Hetan Poder, Maibe La Utiliza Ho Diak

DILI, STLNEWS.co – Poder no pozisaun sai interesante ba ema hakarak atu hetan, maibe dala ruma hetan tiha uza poder neebe mak iha, la utiliza ho diak iha sosiedade nia leet.

Kestaun nee hato’o husi Padre Richardo Pasang SVD ba STL, liu husi telefone, Kinta nee (23/09/2021).

Nia hatete, asaun karidade Jesus fo isin diak ba ema sira husi moras oin – oin, no hamoris fali ema husi mate, halo Herodes hakfodak no tauk tebes – tebes. Jesus nia prezensa sai hanesan ameasa ba Herodese nia poder, nuudar liurai no lider iha tempu neeba.

“Pozisaun no poder interesante tebes, neebe halo ema hotu hakarak atu bele hetan. Maske dala ruma pozisaun no poder neebe sira hetan, la utiliza ho diak ba komunidade ou sosiedade, ba bonum commune, maibe ema lakohi atu husik nia pozisaun. Nia esforsu ho maneira saida deit atu nia bele ukun, no iha pozisaun diak nafatin hanesan liurai Herodes,” katak nia.

Padre hatutan, ema sempre haluha katak, pozisaun no poder neebe sira hetan mak konfiansa no responsabilidade, neebe sira hetan husi Maromak nomos husi sosiedade, atu bele servi no dedika sira nia an ba maluk sira.

Bibi Atan Kreda katolika nee mos husu Maromak laran luak, haraik bensaun ba ema idak – idak atu bele simu no halao konfiansa ho responsabilidade saida deit, neebe ema haraik hodi manan salvasaun ba ema hotu neebe moris iha mundu nee.*

Reportajen: Emerenciana Pinto 

Editor: Ekipa STL  

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...