Horta Esplika Progeresu Guinne Bissau Ba PN

DILI-Reprezentante Espesial Sekertariu Geral Nasoens Unidas Ba Guine Bissau Jose Ramos Horta, Tersa (25/06/2013) esplika ba Parlamentu Nasional (PN), konaba servisu ho progresu nebee halao iha Guine Bissau.

“ Tuir mandatu nebee mai husi Sekertariu Geral no konsellu Seguransa no  TL liu-liu Primeiru Ministru, Prezidente Republika no Parlamentu Nasional fo’o apoiu makas ba hau halo servisu iha neba, hotu-hotu kontente, tamba iha fulan lima nia laran hetan ona buat nebee posetivu, situasaun iha Guinne Bissau kalma ona, tamba nee elisaun sei hahu iha fulan Novembru tinan nee,” hateten Reprezentante Espesial Sekertariu Geral Nasoens Unidas ba Guine Bissau Jose Ramos Horta, ba Jornalista sira iha Parlamentu Nasional (PN), Tersa (25/06/2013).

Nia hatutan neduni sei reorganiza forsa armadas, tamba nee maka nia ohin mai fahe informasaun ne’e ba Primeiru Ministru Xanana Gusmao, konsellu Ministrus ho Parlamentu Nasional.

Iha fatin hanesan Prezidente Ezersisiu Parlamentu Nasional Adriano do Nascimento hateten Reprezentante Espesial Sekertariu Geral Nasoens Unidas Jose Ramos Horta antes desloka ba Guinne Bissau, mai iha nee, PN fo’o lia menon ba nia atu lori misaun ne’e ho diak. Informasaun kompletu iha STL Jornal no STL web, edisaun Kuarta (26/6). Joao Anibal

LEAVE A REPLY

Please enter your comment!
Please enter your name here