Indonesia Prontu Kopera TL Buka Timor Oan Lakon Tempu Funu

DILI- Nasaun Indonesia prontu kopera ho Governu Timor Leste, Liu husi Ministeriu Negosiu Estranjeiru (MNE), atu servisu hamutuk hodi buka tuir Timor oan nebe lakon iha tempu funu durante tinan 24 nian laran.

Informasaun ne’e fo sai Ministru Negosiu Estranjeiru no Kooperasaun (MNEK), Jose Luis Guterres katak nasaun Indonesia liu husi nia Ministru Negosiu Estranjeiru afirma ona prontu koopera ho Timor Leste, hodi buka tuir Timor oan nebe lakon iha tempu funu to’o ohin loron seidauk hetan.

Ministeriu Negosiu Estrangeiru no Kooperasaun nia servisu maka oinsa liga Estadu Timor Leste ho Estadu seluk, hanesan mos relasaun Timor Leste ho Indonesia, oinsa maka bele halo koordenasaun diak ho Indonesia hodi buka tuir Timor oan sira ne’ebe lakon iha tempu funu nia laran, koalia Ministru Jose Luis Guterres.

Relasaun amizade entre Timor Leste ho Indonesia tuir Jose Luis durante ne’e diak tebes, tanba ne’e parte rua koalia ba malu hodi kria ekipa ida, nune’e bele buka tuir Timor oan sira ne’ebe lakon iha funu laran, Timor Leste iha aten brani atu hare ba problema ida ne’e ho seriedade. Informasaun kompletu iha STL Jornal no STL Web, edisaun Kuarta (20/11/2013). Timotio Gusmao

LEAVE A REPLY

Please enter your comment!
Please enter your name here