Investimentu Edukasaun Tenki Makas, Hodi Redus Tara An

DILI-Sosiadade Sivil konsidera kazu tara a’an ne’ebe akontese iha rai laran, tanba menus konesementu, nune’e Governu tenki investe makas iha edukasaun hodi muda sira nia mentalidade husi ki’ik hodi respeitu moris.

Prezidenti Conselho Nasional Joventude Timor Leste (CNJTL), Leovigildo Hornai hatete, problema joventude barak mak lakon sira nia vida liu husi tara an, tanba sira laiha konesementu.

Ema hanoin moris susar laiha dalan atu rezolve, nune’e ki’ik bo’ot tenki oho an, putus cinta no gravida tenki tara an, ne’e labele, ita persiza fo valor ba moris ne’e, prepara an hodi kontribui ba rai ne’ebe ita moris ba, dehan Leovigildo ba jornalista sira iha Hotel Timor Kuarta (02/10).

Nia hatutan CNJTL nia responsabilidade mak atu sosializa nafatin hodi fo hanoin ba joventude sira katak, moris iha Timor tenki prepara an, prontu infrenta moris ne’e, tanba moris iha Timor nebe hanesan rai joven, persiza ema hotu konsolida matenek hodi dezenvolve. Informasaun kompletu iha STL Jornal no STL Web, edisaun Kinta (03/10). Thomas Sanches

LEAVE A REPLY

Please enter your comment!
Please enter your name here