Julio Tomas Pinto “TL Perpara Atu Hari SMA Iha Futuru”

DILI – Sekretariadu Estadu Defeza Julio Tomas Pinto, hatete iha futuru Timor Leste (TL) sei hari SMA ida kompara ho Amerika, hanesan Military Academic For High School ho objetivu perpara lider foun forsa armadas nian iha futuru mai.

Tuir Sekretariu Estadu Defeza Julio Tomas Pinto katak planu nee mai husi Ministru Defeza no Seguransa atual Primeiru Ministru Kay Rala Xanana Gusmão, nebe mos hetan apoiu husi Maior Jeneral Lere Anan Timor.

Informasaun ida ne’e mai hosi ita nia Ministru Defeza no Siguransa nomos ita nia Maior Jeneral, Lere Anan Timur, mos konkorda konaba perparasaun Timor nian liu-liu Ministerio Defeza Siguransa atu hari SMA ida ne’ebe ke hanesan iha Amerika karik sira bolu Military Academic For High School iha Indonesia karik hanesan SMA Taruna ita hakarak hari SMA ne’e para perpara jerasaun lider foun ba forsa armadas ba futuru ida ne’e orientasaun no hau mos informa ona ba iha EUA atu sira mos ajuda, hatete SED, Julio Tomas Pinto, ba jornalista sira iha ninia servisu fatin Kuartel Jeral F-FDTL Fatuhada Kinta (29/08).

Sekretariadu Estadu Defeza Julio Tomas Pinto, mos hatutan tan katak SED mos sei konsulta ho Ministerio Edukasaun (ME), atu nune’e estudante sira ne’ebe mak remata ona sira nia estudu iha eskola pre-sekundaria hodi halo testin atu bele rekruta 30 ou 40 pesoas kada tinan ida para perpara sira nia disiplina military nomos kuinesementu ne’ebe diak atu nune’e bele involve ema estranjeirus sira hodi ajuda. Informasaun kompletu iha STL Jornal no STL web, edisaun Sabado (31/8). Tomas Sanches

LEAVE A REPLY

Please enter your comment!
Please enter your name here