Kada Fulan MJ Produs Pasaporte Kuaze Rihun 4 resin

DILI- Ministeriu Justisa liu husi liu husi departementu rejistu sivil no Notariadu kada fulan produs pasaporte kuaze rihun hat resin tamba kada trimestral diresaun nee’e produs pasaporte hamutuk rihun 13 ba sidadaun timor oan.

Tuir Direitor Nasional ba rejisto no notariado Maria do Rosario de Fatima katak, prosesu adentementu ba populasaun nebe mak trata pasaporte presiza mak kartu eleitor, sertidaun RDTL no sidadaun nee’e rasik hasai foto grafia no selu pasaporte tuir loron nebe mak sidadaun nee’e nia hakarak.

“ ita hare volume sidadaun nebe mak trata pasaporte makas tebes tamba loron ida ami atende kuaze ema nain 100 resin ba pasaporte komun seidauk aumente ba pasaporte diplomatiku no pasaporte servisu,” dehan Direitor Nasional ba rejisto no notariado Maria do Rosario de Fatima ba STL Segunda (17/06) iha ninia knar fatin.

Nia esplika mos katak diresaun notariadu kada trimester fo sai pasaporte kuaze  rihun 13 resin ho montante orsamentu kuaze hatus 6 resin kada trimestral laos kada tinan ba iha diresaun pasaporte ninian maibe diresaun seluk lakonta. Informasaun kompletu iha STL Jornal no STL Web, edisaun Tersa (18/6). Timotio Gusmão

LEAVE A REPLY

Please enter your comment!
Please enter your name here