KAK Sai Uma Nain Ba Konferensia Internasional | TMR, Husu Atu Minimiza Korrupsaun Iha TL

FOTO: STL/OSCAR SALSINHA
DISKUSAUN—Prezidente Taur Matan Ruak, halo diskusaun ho delegasaun Internasinal
hodi koalia kona ba oinsa atu bele reforsa Komisaun Anti Korupsaun
hodi kombate koruptor sira ne’ebe naok povu nia osan.
Tersa (23/7), iha Timor Plaza.

DILI—Prezidente Republika (PR), Taur Matan Ruak (TMR), husu ba nasaun 31 ne’ebe partisipa iha konferesia Internasional Komisaun Anti Korupsaun (KAK), atu kapasita KAK TL, hodi kombate korrupsaun.

Prezidente, TMR liu husi nia deskursu ba iha reprezentate KAK husi nasaun 31 iha Timor Plaza, Dili, Tersa (23/7), katak TL presiza aprende tan esperensia husi nasaun balun ne’ebe sai membru ba iha KAK, atu bele kompromete hodi minimiza risku korrupsaun iha TL.

“Hau iha TL hare Prezidente Aderito, hau subar, tanba nia iha poder liu, kuandu ami la koidadu bele lori ami hotu ba iha kadeia. Ne’eduni, hau fo agradese ba ita boot sira ne’ebe marka prezensa iha ne’e atu apoiu KAK TL,” hatete PR TMR.

Nia informa tan katak, Konferensia Internasional kona ba KAK, ne’ebe realize iha TL hanesan sinal ida diak tebes, fo konfiansa, admirasaun no respeitu. Tanba iha mundu tomak, preokupa tebes ho korrupsaun, espesial ba pais ida hanesan TL ne’ebe foin maka tinan 10 resin.

Prezidente Komisaun KAK, Aderito de Jesus informa mos katak iha konferensia ida ne’e inporatnte tebes ba iha KAK, atu bele fahe nia esperensia ba pais sira ne’ebe sai membru KAK kleur tiha ona, no mos TL bele rona mos sira nia esperensia oinsa atu bele halo servisu ne’e ho diak liu tan. Informasaun kompletu iha STL Jornal no STL Web, edisaun Kuarta (24/7). Oscar Salsinha

LEAVE A REPLY

Please enter your comment!
Please enter your name here