Kazu Abuzu Poder-Falsifika Dokumentus, MP Akuza Arguido Pena Suspensaun-Selu Multa

DILI- Liu husi alegasaun final Ministeriu Publiku husu ba tribunal atu aplika pena multa no pena suspensaun tinan 4, ba arguido Gregorio dos Santos nebe pratika krime abuzu poder no falsifikasaun dokumentus.

Iha audensia julgamentu tribunal liu husi juis singular Duarte Tilman lee sai akuzasaun katak iha 2011 arguido nudar direktur iha diresaun Agrikultura distritu Liquisa, hapara kontratu ba seguransa edifisio Natalino de Jesus, nebe hahu nia kontratu iha loron 1/4/2011-31/6/2011 hodi manan osan ful-fulan US$160.

Iha tempu ne’e sasan edifisiu nian lakon, nemak arguidu bolu Natalino hodi entrega xafi no hasai nia husi servisu. Tanba Natalino la konsege fo seguransa ba sasan edifisio nebe lakon, iha loron 7/4/2011, arguido mos hapara salario ba Natalino. Arguido halo deklarasaun no falsifika assinatura Natalino nian hodi haruka karta ba iha Direktur Geral MAP Nasional para desloka fali Jasinto hodi troka Natalino.

Iha julgamentu Arguido Gregorio dos Santos hatete, momentu nee laos fo para kedas Natalino, maibe fo ultimatum ba nia loron tolu para entrega xafi edifisio nian. Iha tempu nebe halo deklarasaun hodi assinatura Natalino nian, tanba momentu nee Natalino ho nia kaben ba tiha iha foho.

Iha fatin hanesan lejado Natalino de Jesus hatete, momentu nee tanba kompania sira mak estraga no naok sasan edifisio nian. Nemak arguido telfone ba nia para bele responsabliza ba sasan nebe lakon. Informasaun kompletu iha STL Jornal no STL Web, edisaun Kinta (3/4/2014). Domingas Gomes

LEAVE A REPLY

Please enter your comment!
Please enter your name here

NEWS UPDATE

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...

Konfinamentu Domisiliariu, Misa Kontinua Suspende

DILI, STLNEWS.co - Reuniaun Konsellu Ministru neebe mak foin lalais deside atu hanaruk konfinamentu domisiliariu, nunee husi Arquidiocese Metropolitana Dili Dom Virgilio Do Carmo...
%d bloggers like this: