Kazu Burla Agravadu, Tinan 3 Arguidu La Selu

DILI-Tribunal Distrital Dili (TDD) Segunda (03/02), halo julgamentu ba kazu burla agravadu. Iha kazu  nee Ministeriu Publiku akuza João Baptista Soares hanesan arguidu, tanba nia sosa sasan kantor iha loja Legasi Interior, iha Audian ho montante dolar Americano US $5830, tinan tolu la selu ba loja nain.

Liu husi audensia, Juis Julio Gantes le’e sai akuzasaun katak iha loron 12 Februari 2011, arguidu Joao ba sosa sasan kantor iha loja Legasi Interior. Sasan mak hanesan sofa, meja, kadeira, ventuinas no dispenser. Sasan sira nee nia sosa hamutuk US$ 5830. Depois sosa tiha sasan sira nee, arguidu dehan atu selu maibe to’o agora nia parte seidauk selu osan ba loja nain. Ho ida nee ministeriu publiko akuza arguido komete krime burla agravadu.

Iha julgamentu arguido deklara ba tribunal katak, faktus sira nee los hotu katak akuzasun sira nee los hotu. Nia parte ba sosa duni sasan iha loja nee maibe seidauk selu osan tanba nia osan kompania seidauk sai iha rekening.

sasan sira nee sosa atu ba tau iha kantor. Nebe tanba osan seidauk sai, nemak seidauk selu nee. Maibe iha Sesta agora mak hau foin atu selu tanba ami nain rua loja nain halo ona konkordansia katak atu selu iha Sesta nee, dehan nia.

Iha pare Defesa hatete katak, arguidu deklara ba tribunal katak nia seidauk selu tanba osan kompania nian seidauk sai. Maibe parte rua (arguidu ho lejadu) koalia no konkorda ba malu ona katak iha Sesta agora nemak foin atu selu osan ba lejadu.  Informasaun kompeltu iha STL Jornal no STL Web, edisaun Tersa (4/2/2014). Domingas Gomes

LEAVE A REPLY

Please enter your comment!
Please enter your name here