Kazu Burla Agravadu, Tribunal Kontinua Adia Julgamentu, Familia Lejado La Satisfas

DILI-Tribunal Distrital Dili (TDD) Kinta (13/3/2014) kontinua adia julgamentu ba kazu krime foti osan mean ho valor USD 400,000.00 (rihun atus haat) sein konesementu ba nain. Nebe Ministeriu Publiku akuza Roza Anastasia Pereira nudar arguida no Fransisco Moniz nudar lezado.

Iha sala audensia, reprejenta juis kolektivo Jose Maria de Araujo hatete, julgamentu ba kazu krime burla agravadu nee labele realiza tanba tribunal sei hein pedidu husi Tribunal Rekursu. Kazu ida nee sei iha relasaun ho kazu nebe mak pendenti hela, nebe lezadu Fransisco hanesan arguido no arguida Anastasia Pereira nudar lejada.

Iha fatin hanesan advogadu husi familia lejadu, Fernando Carvalho hatete, ida ne’e kazu krime seluk, kazu burla agravadu. Nemak familia husi lejado halo keixa ba pratika krime refere.  Tuir nia katak, kazu ida nee bele lao, kazu seluk mos bele lao la depende ba malu.

Kazu ida nee ita hatene katak kazu kleur ona nebe adia dala barak. Hau hanesan reprejenta husi familia lejada, tanba iha kazu nee lejado Fransisco halo hasoru familia vitima Ana Pereira mak kazu krime burla agravadu no kazu sivil. Kazu sivil tanba familia vitima foti hotu sasan casal nian husi lejadu bainhira vitima nee mate iha Bali. Nebe iha kazu sivil kontra para atu entrega fali sasan sira nee ba Fransisco ho nia oan sira. No mos iha kazu krime tanba hasai ema nia sasan husi fatin ida sein konesementu no autorizasaun husi ema nain, nemak ohin atu julga kazu krime, tenik Carvalho.

Iha fatin hanesan lejado Fransisco Moniz hatete katak, familia vitima mos foti osan mean bara ida iha Bali kilo ida, sasan nee sira titip hela iha neba. Osan mean nebe sira foti ho valor osan USD 400,000.00. Informasaun kompletu iha STL Jornal no STL Web, edisaun Sesta (14/3/2014). Domingas Gomes

LEAVE A REPLY

Please enter your comment!
Please enter your name here

NEWS UPDATE

Seminarista Balide Agradese Xanana & Timor Oan iha Estranjeiru

DILI, STLNEWS.co - Seminarista sira husi Eskola Seminariu Nossa Senhora Fatima (SENOFA) Balide, Dili, agradese ba domin boot husi Lider Istóriku Kay Rala Xanana...

Kazu Espoza Teofilo Caldas; GMPTL Husu Mane Labele Sama Parseira

DILI, STLNEWS.co - Relasiona ho kazu Sekretariu Estadu Arte no Kultura (SEAK) Teofilo Caldas nia feen kaben, mate tanba deskonfia tara aan, Grupu Mulheres...

Hasai Imunidade Anabela, Olinda: $40 Deit Lalika Hatan Ba Tribunal

DILI, STLNEWS.co - Parlamentu Nasional (PN) hasai ona imunidade deputada bankada FRETILIN Anabela Savio, atu hodi ba hatan iha tribunal relasiona ho kazu mina....
%d bloggers like this: