Kazu Danu, Arguido Nega Akuzasaun

DILI-Ministeriu Publiku akuza arguidu nain 4 nebe deskunfia komete krime danu agravadu. Iha audensia julgamentu, iha Tribunal Distrital Dili (TDD) Kuarta (22/1), arguido nega akuzasaun husi MP.

Liu husi julgamentu, arguidu Eleiterio Borges Pereira deklara katak, iha loron 12 Setembru 2010, arguidu toba hela iha nia kuarta laran. Derepenti rona tarutu iha uma leten no sira nia vidru janela rahun maka nia foin hakfodak, maibe nia la sai ba liur, tanba tauk fatuk kona, arguido ho nia kaben no oan sira subar iha kuarta laran.

Hau mos sai vitima, tanba fatuk sira nee mai kona hotu ami nia uma hodi rezulta ami nia vidru uma nian rahun no kuartu nia rahun, dehan Eleiteiro.

Iha fatin hanesan arguido Herculano Pereira hetete, akuzasaun nee la los hotu, tanba problema nee mosu iha tinan 2010. Maibe iha tinan 2006 arguido rasik ba hela ona iha nia kaben nia uma iha Quintal Bot. Momentu nee nia ba toka tiha iha festa. Informasaun kompletu iha STL Jornal no STL Web, edisaun Kinta (23/1/2014). Domingas Gomes

LEAVE A REPLY

Please enter your comment!
Please enter your name here