Kazu Droga Haruka Arguido Sai Ba Indonesia, Calisto Mantein Baku Hirus Matan La Komete Krime

DILI-Arguido Calisto Gonzaga mantein baku hirus matan hodi hatete ba tribunal, nia la komete krime, ba kazu haruka sai arguido 5 nebe lori droga tama TL iha 2012 liu ba, tanba hetan ordem husi Komando Geral da PNTL Longuinhos Monteiro.

Liu husi segundo audensia julgamentu iha tribunal konsege mosu dizentendimentu entre arguido Calisto ho tribunal, bainhira tribunal rona tiha deklarasaun husi sasin Faustinho Maia de Carvalho. Nunee juis bolu fali arguido hodi husu katak “ ita mantein la komete krime”,.

Arguido hatan ho baku hirus matan dehan,” hau la komete krime, hau lori sai arguido sira tanba hetan ordem husi Komando PNTL,”. Haree ba situasaun nee tribunal ho lian hirus hodi dehan “ ita bot mai iha tribunal laos hanesan komandante, maibe tenke komporta an hanesan arguido,” dehan juis iha TDD, Tersa (01/07), Bebora-Dili

Iha biban nee sasin Faustinho Maia de Carvalho hanesan inteligensia iha PNTL ba tribunal deklara katak, iha momentu nee nia mos hola parte hotu iha kazu nee. Nia la halo detein, maibe halo deit vizilansia arguido nain 5 iha kuarto laran ho nia kolega Miguel  Pedro. Kazu nee akontese iha 2012 kala iha loron 20 fulan Desembru hanesan nee, nia la kalkula los tanba haluha ona.

Tuir nia katak, iha momentu nee arguido nain 5 nee retiru iha iha Otel durante loron 5 nia laran. Nia hola parte hotu iha kazu nee tanba iha loron 19 kalan Xefe seksaun Almiro Magno mak telfone ba nia hodi husu atu ajuda hodi prende ema nain 2 nebe mak sira kaptura tiha ona. Fofoun Almiro dehan nain 2, maibe depois nia too mai iha fatin hare ba iha ema nain 5.

Nia hatutan, iha tempu nee nia la direita hasoru ho Calisto maibe liu husi Almiro deit. No Calisto mak haruka arguido 5 sai no lori hotu droga ho sasan seluk nee ba hotu Indonesia. Iha tempu nee Almiro mak halo inkeritu ba arguido 5. Maibe ba kazu ida nemak nia la fo hatene ba Ministeriu Publiko, ba kazu seluk nia sempre fo ba iha MP. Lori arguido 5 sai ba to iha Indonesia nee akompania husi Komandante Calisto, Xefe seksaun Almiro ho nia rasik tanba hetan ordem husi Superior. Informasaun kompletu iha STL Jornal, edisaun Kuarta (2/7/2014). Domingas Gomes

LEAVE A REPLY

Please enter your comment!
Please enter your name here

NEWS UPDATE

Numeru Infetadu Covid-19 Iha Prizaun Becora Sae Ba 221, Covalima 37

DILI, STLNEWS.co - Ministru Justisa (MJ) Manuel Carceres hateten, iha prizaun Becora dadaun nee numeru infetadu ba moras Covid-19 husi dadur no guarda prizaun...

Projetu Neebe Finaliza, Governu Tenke Halo Pagamentu

DILI, STLNEWS.co - Reprezentante povu iha uma fukun Parlamentu Nasional, (PN) husu ba governu atu halo pagamentu ba projetu 44 neebe kompania sira finaliza...

Numeru Covid Aumenta, Adriano: Fatin Ba Pasiente Grave La iha

DILI, STLNEWS.co - Deputadu Adriano do Nascimento hatete, kada loron numeru Covid-19 iha Timor Leste kontinua aumenta ba bebeik, maibe fasilidade liu liu ba...
%d bloggers like this: