Kazu Exercicio Poder Paternal, Requeridu Transfere US$150 Kada Fulan

DILI-Tribunal husu requeridu Mario da Silva atu transfere osan fulan nian ho montante US$150 ba nia oan nain tolu, nebe mak nia abandona iha loron 28 Desembru 2008. Vitima nain tolu  reprejenta husi Ministreriu Publiku maka Eufemia Celestina da Silva, Evangelita Gomes da Silva no Celestino Afonso Gomes Martins da Silva.

Iha akuzasaun Ministeriu Publiku katak iha loron 28 Maio, 2008 requeridu aman abandona hela nia ferik oan no oan sira. Hahu husi loron nee nia inan mak tau matan ba oan sira no requeridu rasik husik tiha nia responsavel nudar aman nian.

Iha nee inan mesak mak tau matan ba nia oan sira. Nebe Requerida ho salario mensal US$280,00 nudar membru PNTL no requerido ho salario mensal US$500,00 servisu iha MAP. Ho ida nee labarik sira husu ba inan aman atu respeita Exercicio Poder Paternal relatives para sustenta alimentar, educasaun no saude ba oan sira.

Liu husi julgamentu Requerida Gomes Afonso hatete, durante labarik sira nia aman abandona tiha sira. Nia nunka kontribui responsavel nudar aman ba oan sira. Durante nee nia parte mak mesak hodi sustenta nia oan sira nia moris lor-loron nian.

Iha fatin hanesan, requeridu Mario da Silva hatete, nia parte sei transfere osan dolar Americano $150 ba nia oan nain tolu. Husi osan nee kada ema ida uza $50, nebe nia sei transfere liu husi rekening ba nia oan sira nian. Informasaun kompeltu iha STL Jornal no STL Web, edisaun Tersa (4/2/2014). Domingas Gomes

LEAVE A REPLY

Please enter your comment!
Please enter your name here