Kazu Hadau Malu Rai, Arguido Nain 3 Kontra Desizaun Tribunal

DILI- Kazu hadau malu rai iha Bairo Pite, area eis Brimob kotuk nebe oras nee sei disputa hela. Tanba rai refere sei hadau malu, mak Tribunal haruka notifikasaun ba arguido nian tolu iha loron 4 Agustus 2010 para labele halo tan obra foun, maibe arguido kuntinua halo tanba fatin atu sira hela laiha.

Liu husi audensia julgamentu, juis presidenti Jasinta Coreia fo sai akuzasaun husi Ministeriu Publiku katak hahu prosesu iha loron 4 Agustus 2010 tribunal fo notifikasaun ba arguido nain tolu Joao de Sousa, Teofilo no Clementino de Jesus Fatima, atu labele kuntinua halo obra foun ba uma nebe sira halo hela. Tanba rai iha eis Brimob nia kotuk sei disputa hela katak rai nee sei hadau malu hela. Maibe obra nian husi arguido nain tolu nee kuntinua halo hela obra.

Liu husi julgamentu arguido Clementino de Jesus hatete, antes iha loron nebe tribunal haruka notifikasaun ba sira. Nia hela ona iha nia uma, tanba uma pronto tiha no nain hela tiha ona. Rai nebe nia hela ba rai nain Felismina Gusmao mak fo ba nia, mak nunee nia mos halo uma hodi hela.

 Tanba rai nee sei iha impedementu hela mak Celestino mai kesar ba tribunal dehan nia mak rai nain. Maibe rai nee momentu nee rai nain Felismena mak haruka ami hela, mak hau halo uma iha neba, dehan nia.

Iha 2009 komunidade nebe mak hela iha uma eis brimob Bairo-Pite, hetan gusur husi estadu, tanba nia mos hela iha uma eis brimob. Momentu nee nia iha uma rua, ida mak nia halo iha eis brimob nia kotuk no ida iha laran mai. Depois estadu gusur tiha sira, nia foti fali kalen hosi mai loke fali kios iha eis brimob nia kotuk. Informasaun kompletu iha STL Jornal no STL Web, edisaun Kuarta (20/11/2013). Domingas Gomes

LEAVE A REPLY

Please enter your comment!
Please enter your name here