Kazu Hadau Malu Rai Iha Tasitolu Tama Tribunal

DILI- Problema hadau malu rai iha Tasitolu, aldeia 12 de Outobru Suco Comoro, entre Elsilia Gonçalves ho Antonio Lobato ho komunidade nebe duni sai husi fatin nee. Elsilia ho Antonio lori Polisia no Xefi suku Comoro, hodi duni sai komunidade uma kain lubuk ida husi fatin nee, iha loron 27 Novembru 2013, tanba dehan rai nebe mak komunidade okupa nee sira nia rai.

Liu husi audensia julgamentu vitima Lorenço Pereira hatete, rai nebe nia hela ba ne’e durante tinan barak nia laran ona. Fatin nee nia parte ho nia familia, inan aman sira hela hahu kedas iha tempu Portugues.

Hau senti la satisfas ho atuasaun husi Elsilia Gonçalves ho Antonio Lobato nebe lori polisia no xefi suku hodi dudu sai ami husi fatin nee. Sira ba ho oin tos hodi haruka polisia obriga hasai ami ho ami nia sasan husi uma laran. Sira ba la lori karta despaiso husi ministeriu justisa ka autoridade ruma. Maibe ba sira koalia deit ho ibun katak sira lori despaisu hodi dudu sai ami husi fatin nee, katak Lorenço ba Tribunal iha TDD, Bebora (19/12).

Nunee Testamunha Nuno Vicente hatete, nia konese Lorenço Pereira tanba sira hela besik malu iha fatin nebe mak polisia sira ba dudu sai. Fatin ida Lorenço hela nee hahu kedas iha tempu Portugues, nebe hahu kedas husi nia inan aman sira.

Nia parte konese Elsilia ho Antonio tanba lor-loron sira nain rua maka ba dudu rai iha neba. Durante nee sira nain rua nunka ba kuda ai oan ka ba hakiak animal iha neba, maibe foin lalais iha loron 27 Novembru 2013, sira lori trator dudu sai komunidade sira iha fatin neba no tesi ai oan sira nebe mak moris iha fatin neba. Informasaun kompletu iha STL Jornal no STL Web, edisaun Sesta (20/12/2013). Domingas Gomes

LEAVE A REPLY

Please enter your comment!
Please enter your name here

NEWS UPDATE

Hasai Imunidade Anabela, Olinda: $40 Deit Lalika Hatan Ba Tribunal

DILI, STLNEWS.co - Parlamentu Nasional (PN) hasai ona imunidade deputada bankada FRETILIN Anabela Savio, atu hodi ba hatan iha tribunal relasiona ho kazu mina....

Situasaun Covid-19, HNGV Kama Mamuk Barak

DILI, STLNEWS.co - Ho situasaun pandemia surtu Covid-19 neebe oras nee Timor-Leste hasoru, halo pasiente barak mak la mai halo tratamentu iha Hospital Nasional...

Familia La Simu Matebian LM Tara Aan Mesak, Teofilo: Hau Hein Rezultadu Investigasaun

DILI, STLNEWS co - Familia husi matebian Lebenita Madeira neebe deskonfia tara aan iha nia rezidensia Bebonuk nee sira la simu, tanba nee husu...
%d bloggers like this: