Kazu Hamate Aifunan Iha Karimbala | Francisco Ameasa Kadeia Tinan 14

DILI-Liu husi Audensia Julgamentu iha Tribunal Distrital Dili ba kazu krime homesidu hasoru Matebian Ana Vitoria Pereira, nebe Ministeriu Publiku notifika Francisco Moniz Pereira ameasa Kadeia tinan 14 ba leten no mos sei selu indimizasaun .

Tribunal Distrital Dili iha loron 30/07/2012 kompostu husi Juiz, Ministeriu Publiku, Arguidu no mos Parte defeza Arguidu hafoin hare Fatin Akontesementu iha Karimbala, parte lokraik tama iha prosesu Alegasaun Ministeriu Publiku husu Tribunal atu hamonu pena tinan 14 ba arguidu, tamba Arguidu komete krime Violensia Domestika, Amesa no mos omesidu Agravadu.

Iha prosesu Alegasaun ne’e Ministeriu Publiku nebe reprezenta husi Prokurador Oscar Tavares husu ba Tribunal atu selu indimizasaun, tamba Arguidu halo mate vitima ho planu bazea ba fatin akontesmentu nomos deklarasaun husi sasin sira durante iha prosesu julgamentu.

Entertantu parte Defeza husu ba Tribunal atu halo absolvesaun tamba durante akontesementu laiha keixa hasoru Arguidu tuir lei nebe mak iha nomos Arguidu la iha planeadu atu oho ninia  vitima, tamba vitima hanesan Arguidu nia kaben nebe moris hamutuk tempu barak.

Arguidu Francisco Monis Pereira deklara ba Tribunal katak nia ho matebian kaben iha tinan 2000 no hetan oan nain tolu. Iha sira nia uma laran sempre mosu diskusaun entre sira nain rua maibe ne’e hanesan bikan ho kanuru tarutu iha familia laran. Informasaun kompletu iha STL Jornal no STL web, edisaun Kinta (1/8). Timotio Gusmão

LEAVE A REPLY

Please enter your comment!
Please enter your name here