Kazu Hana Xina, Vitima Sei Baixa Iha Ospital Xina

DILI- Vitima ema estranjeiru Wang Liu Ping hetan hana iha nia kelen sorin kuana, husi arguido Aleixo Marsal iha 15 Junhu 2013 labele mai iha julgamentu, tanba nia parte sei halo hela tratamentu iha ospital Xina.

Liu husi audensia julgamentu Kuarta (23/10), Tribunal labele halo julgamentu ba kazu ne’e, tanba vitima husi kazu nee rasik la mai. Oras nee vitima sei halo hela tratamentu ba nia kanek nebe hetan hana husi Aleixo. Depois akontesementu iha 16 Junhu, vitima halo kedas tratamentu ba iha ospital nasional guido valadares. Maibe depois nee nia sente sei moras hela, nemak nia halo tratamentu ba iha Xina.

Liu husi audensia ne’e juis husu ba vitima nia kaben Wang Kin Mon para bele husu karta medico husi Xina, bele haruka liu husi email. Hodi nunee bele halo julgamentu ba kazu nee, tanba arguido kumpri ona nia prizaun hodi hein ba prosesu julgamentu.

Hatan ba kestaun nee, Wang Kin Mon hatete, nia parte sei tenta hodi halo kontaktu liu husi telefone ba nia kaben hodi haruka karta medico nee mai.

Nunee sasin Bendita Sanches hatete, kronologia akontesementu nee fofoun arguido ho kondisaun lanu, tama ba loja hodi husu osan $1 ba vitima.  Informasaun kompletu iha STL Jornal no STL Web, edisaun Sesta (25/10). Domingas Gomes

LEAVE A REPLY

Please enter your comment!
Please enter your name here