Kazu Marconi, Hamate Joven 1 No Hakanek nain 2

DILI – Kazu oho malu ne’ebe akontese iha Tersa (24/09) kalan iha tuku 18:40 OTL iha sidade Dili laran liu-liu iha Kampo Alor, Marconi, Fatuhada ne’ebe hamate joven ida iha Marconi ho naran Antonio da Costa Doarte, eskola iha Universidade da Paz (UNPAZ) no hakanek joventude nain 2 ne’e organija hosi grupu organijadu balu.

Tuir kronolojia bajeia ba invistigasaun polisia akontesementu ne’e autor ho naran Januario Pereira rasik ba iha Polisia Nasional Timor Leste (PNTL) Distritu Dili katak antes atu ba oho matebian, Antonio da Costa Doarte, no sona tan sira nain 2 seluk, sira (suspeitu) hamtuk nain 5 (mesak mane deit) halibur malu iha, JF (naran inisial uma nain) hodi hemu hela tua iha area Luru Mata Suku Fatuhada.

Ho problema ne’ebe mak mosu halo Polisia Nasional Timor Leste (PNTL) iha kalan ne’e kedan lidera hosi Primeiru Ministru, Xanana Gusmao, hamutuk ho komonidade Suku Fatuhada halo kedan operasaun no ikus mai konsege kaptura autor hamutuk nain 4 no hela ida seidauk kaer tanba sei subar hela.

Tuir Xefe Suku Fatuhada, Marcelino Soares, hatete antes atu halo asaun brutal ne’e grupu ne’e organijadu nanis ona foin sai ba oho ema arbiru deit tuir dalan-dalan.

Ema ne’ebe sona joven nain 3 ne’e sai hosi Kampo Alor ho motor sona kedan joven ida iha Estrada ninin ho naran, Agosto Neno, (vitima permeiru) ho ida ne’e ema sira ne’ebe mak hare komesa duni suspeitu nain rua ne’e maibe la kaer toman tanba suspeitu nain 2 ne’e ho motor liu fali iha aldea Marconi besik Eskola Primaria Fatuhada sira hasoru tan matebian, Antonio da Costa Doarte, hatete Marcelino.

Iha fatin hanesan tuir Komandante Polisia Distritu Dili, Superintendente Xefe, Pedro Belo, hatete antes autor sira ne’e atu halo asaun sira konsentra iha Luru Mata hodi hemu tua maibe la lanu todan no iha ema ida mak sosa tua fo sira maibe ema sira ne’e agora dadaun Polisia Kaptura hotu ona hela ida mak seidauk. Informasaun kompletu iha STL Jornal no STL Web, edisaun Kinta (26/9). Tomas Sanches-Sonia Ferreira

1 COMMENT

  1. Ita, tenki kuidadu ho KRIME ORGANIZADO…Kuandu iha ona Joven balu mak organiza malu hodi buka oho ema arbiru deit…ne ita bele dehan katak, Timor oan, liu-liu Joventude Balu komesa ona atu aprende atu sai TERORISTA iha Rai Laran! Maibe ita lalika preukupa tamba Timor Leste ne’e Rai Kiik Oan. Kuandu iha akontesimentu ruma ema hotu hatetene lalais deit…Husu mos ba PNTL, atu bele atua lalais hodi labele sai rumoris ba ema seluk atu hodi aproveita situasaun.

    Bravo ba Sr. PEDRO BELO Comandante PNTL Distrito Dili., ho nia companhia tomak nebe konsege duni kaptura suspeito, maski ema ida deit…maibe sei mosu ema barak sei sai kapturadu.

    Kuandu Kazu Krime hanesan ne’e lalika ba Tribunal, diak liu lori kedas ba Prisaun Becora, hodi bele hanorin…Indereita bele sai los fila fali…Karik bele halo aleijadu tiha tuir hahalok nebe nia komete. Obrigado

LEAVE A REPLY

Please enter your comment!
Please enter your name here