Kazu Marconi, PNTL Kaptura Ona Autor Nain 4, 1 Halai Lakon

DILI—Kazu nebe akontese iha Tersa (24/9) kalan iha oras 18:40 oras Timor Leste (OTL), laos mai husi autor ida, maibe’e autor nain rua uja motor halai hodi sona ema arbiru deit iha estrada ka dalan klot, hanesan sona kanek ema no konsenge sona mate ema joven nain ida iha areas Marconi.

Oras ne’e suspeito nain 4 maka iha ona prosesu investigasaun PNTL distrito Dili, no nain 1 halai lakon. Maibe’e PNTL, komesa fahe ona kopia foto autor nebe halai lakon ba iha autoridade lokal sira hotu, atu nune’e bainhira hetan autor nee atu kaer no hodi informa mai polisia.

Entretantu tuir tiun husi matebian Antonio da Costa Duarte, Lito da Costa Duarte, hateten katak nia hanesan tiun husi vitima matebian Antonio bainhira rona husi maluk sira iha Marconi, nebe dehan nia subrinu Antonio mate tanba hetan sona husi ema nain rua ho motor.

Atu hateten deit katak, vitima durante nia moris nia sedauk halo problema ho se deit, nia sempre halo ligasaun ho ema sese deit iha bairo laran. Maibe’e bainhira hau rona dehan nia mate hau mos hakfodak tanba sa maka nia mate, maibe’e hau apresia tebes maluk komunidade sira iha bairo nee bele duni no konsenge kaer duni autor ida oho hau nia subrinu nee, dehan, Lito ba STL iha fatin akontesementu Aldeia Markoni, Suku Fatuhada, Kuarta (25/09).

Nune’e mos tuir vizinu sira nebe hela besik iha fatin akontesementu, Domingos Baros Gomes, katak, durante nee sira nia bairo, nunka hare matebian Antonio ransu ho ema. Informasaun kompletu iha STL Jornal no STL Web, edisaun Kinta (26/9). Sonia Ferreira-Tomas Sanches

2 COMMENTS

  1. aiii kuitadu diak liu mak ema ida habadak fali ema seluk nia vida hansa ,,,,atu diak liu ne halo sira nain rua vida hanesan deit ona habadak hotu ninian deit ona ( hamate hotu tia nia deit)

  2. krk ema ne foin mai husi indinesia
    diak liu kaer oho th d8
    nia mai so pr istraga d8 ita nia rai
    ema ne dala ruma inan aman sira hotu milicia.
    krk la oho diak liu kaer tetak too rahun,
    pr nia aprende

LEAVE A REPLY

Please enter your comment!
Please enter your name here