Kazu Membru PNTL 2 Fan Kombustivel, Arguido Detein Prizaun Preventiva, TDD Seidauk Halo Julgamentu

DILI-Tribunal Distrital Dili seidauk halo julgamentu ba kazu fan kombustivel nebe involve membru PNTL nain 2, Agente Lino Leão Gonçalves De Jesus ho Assistenti Inspektur Domingos Martins, tanba sei kumpri pena prizaun preventiva.

Tuir informasaun nebe mak diario nee hetan asesu iha officias justisa, tribunal seidauk halo julgamentu ba kazu fan kombustivel nebe involve membru PNTL nain rua, tanba sira tenke kumpri lai prizaun preventive durante fulan 6 nia laran mak foin bele halo julgamentu ba sira.

Antes nee Tribunal Distrital Dili halo primerio interogatorio ba arguido nain rua iha loron (17/05/14), tanba hetan akuzasaun husi ministeriu publiko katak arguido 2 komete krime peculato tuir artigu 295 codigo penal TL ho pena 4 ate 12 ano e 2 ate 4 ano ho krime abuzu poder tuir artigu 297 codigo penal  TL ho pena 1 ate 4 ano. No desizaun iha interogatorio nee tribunal aplika pena prizaun preventiva iha komarka Becora-Dili.

Audensia nee dirije husi Juis Jose Maria de Araujo, reprejenta MP Angelinha Saldanha ho Luis Landin no arguido nain rua hetan assistensia legal husi advogado privado Pedro Apariçio ho Manuel Gonçalves.

Iha parte seluk tuir komandante Administrasaun PNTL, Superintendenti Xefi Mateus Fernandes hateten, atu hatene lolos konaba involvimentu membru PNTL naok kombuistivel maka sei liu husi prosesu investigasaun, ho nune’e maka deskonfia membru sira nebe involve (17/5) sei aprejenta ba tribunal hodi halao primeiru interrogatoriu. Informasaun kompletu iha STL Jornal no STL Web, edisaun Kinta (10/7/2014). Domingas Gomes

LEAVE A REPLY

Please enter your comment!
Please enter your name here

NEWS UPDATE

Numeru Covid Aumenta, Adriano: Fatin Ba Pasiente Grave La iha

DILI, STLNEWS.co - Deputadu Adriano do Nascimento hatete, kada loron numeru Covid-19 iha Timor Leste kontinua aumenta ba bebeik, maibe fasilidade liu liu ba...

MESSK Asina MoU Ho Ensinu Superior Publiku & Privadu

DILI, STLNEWS.co - Ministru Ensinu Superior Siensia no Kultura (MESSK), Longuinhos dos Santos, asina Memorandum of Understanding (MoU) ho ensinu superior publiku no privadu...
%d bloggers like this: