Kazu Oho Malu Iha Metiaut, Suspeitu Hatan Iha Tribunal

DILI–Tersa (08/10) arguidu Mateus da Silva nebe oho Cris Maucuru iha Metiaut, ba hatan ona iha Tribunal Distrital Dili (TDD).

Arguidu Mateus da Silva nebe oho vitima Cris Maucuru (matebian) iha Sesta kalan (04/10), mai halo primeira interogatorio iha TDD. Suspeito nee kumpri ona sela preventiva, nebe polisia kaptura kedas iha Sesta kalan hodi detein iha Polisia Distrital Dili.

Antes nee iha Segunda (07/10), suspeitu akompania husi polisia distrital Dili  hodi aprejenta suspeitu nia oras detein durante 72 ba tribunal. Informasaun nebe mak diario nee hetan husi fontes konfirmadu iha TDD dehan suspeitu oho vitima Cris Maucuru tanba diskunfia vitima selingkuh  ho nia inan. Tanba suspeitu senti ladiak ho hahalok vitima nian, nemak nia hili dalan hodi oho tiha vitima.

Iha audensia julgamentu nee prejidi husi Juis Koletivo Antoninho Goncalves, reprejenta Ministeriu Publiko Dra. Lidia Soares no Dr. Oscar, no arguido hetan asistensia legal husi Defensor Publiko Jonas Hendrique da Costa. Informasaun kompletu iha STL Jornal no STL Web, edisaun Kuarta (9/10). Domingas Gomes

LEAVE A REPLY

Please enter your comment!
Please enter your name here