Kazu Oho Oan, TDD Suspende Pascoela Tinan 5

DILI-Tribunal Distrital Dili Segunda (14/10) fo suspensaun tinan lima ba arguida Pascoela Araujo ho idade 18, nebe oho nia oan rasik wainhira moris mai iha dia 5 de Maio 2013.

Liu husi audensia julgamentu, tribunal desidi hodi fo suspensaun ba arguida tinan lima nia laran.  Maibe sekuando halo tan kazu hanesan nee, arguida sei hetan pena prizaun durante tinan 3.

Arguida Pascoela Araujo ho idade 18, alunus terseira klase (kelas III) husi SMEA Aileu. Nia namora ho Renato Alves iha 2012,  hodi halo relasaun seksual to ikus arguida nee isin rua.

Depois isin rua, nia fo hatene ba Renato, maibe Renato resposta dehan atu estraga tiha deit labarik nee. Bainhira isin rua, arguida la fo hatene ba familia liliu inan aman nomos kolega sira hotu tanba tauk no moe.

Audensia julgamentu nee prejidi huis Juis koletivu Jasinta Pereira, Ministeriu Publiko reprejenta Dr. Domingos Babo no arguida hetan assitensia legal husi Defensor Publiko Jose Alves da Costa. Informasaun kompletu iha STL Jornal, edisaun Kuarta (16/10). Domingas Gomes

LEAVE A REPLY

Please enter your comment!
Please enter your name here