Kazu Sunu Uma, Ahi Han Lejadu nia Osan $8.860

DILI- Tribunal Distrital Dili (TDD), Kinta (06/02) halo julgamentu ba kazu krime ensendio, nebe akontese iha loron 25 Junu 2012, iha aldeia 04 suku Comoro.  Kazu nee Ministeriu Publiku akuza Domingos Simoes ho Adao Pereira nudar arguidu no Constansio Fernandes nudar lejadu.

Iha audensia Tribunal liu husi juisa Ana Paula Fonseça le’e sai akuzasaun katak lejadu Constansio Fernandes hela ho nia fen ho oan sira iha aldeia 04 Marconi. Iha loron 25 Junu 2012, lejadu ho nia kaben sai hela mais menus tuku 17:00 loraik. Arguidu sira ba iha lezadu nia uma hodi lori ho gajolina iha jergen litru lima nian iha liman, hodi estraga no sunu lejado nia uma.

Sasan nebe hetan estraga no ahi han hanesan kaleng tahan 20, fugaun minarai 2, laptop 1, osan US$7000, kulsaun 1 sasan uma laran no sasan dapur tau ba osan hamutuk $800. Ho ida nee akuza arguidu komete krime ensendio.

Iha julgamentu arguido Domingos Simoes hatete, akuzasaun nee lalos tanba nia la ba sunu uma. Tanba nia laos labarik kiik hodi ba sunu uma, altura nee jovem sira tuda malu hela.  Nebe momentu nee nia lori tiha nia bei oan ba iha fatin kos nian.

Laos hau mak ba sunu nia uma, tanba hau laos labarik kiik para ba sunu ema nia uma. Iha momentu nee ema tuda malu hela mak ema sunu uma. Momentu tuda malu nee, hau lori tiha hau nia beioanba iha kos. Depois liu tiha mak polisia to iha fatin akontesimentu hodi bolu hau, haktuir nia.

Lejado Constansio Fernandes hatete, momentu ahi han nia uma nia parte laiha iha fatin akontesimentu, tanba lori hela nia oan ba hospital. Depois fila mai mak hare nia uma ahi han motuk hotuno sasan uma laran mos ahi han hotu.  Informasaun kompletu iha STL Jornal no STL Web, edisaun Sesta (7/2/2014). Domingas Gomes

LEAVE A REPLY

Please enter your comment!
Please enter your name here