Kazu Sunu Uma Laiha Prova, Arguidu Livre Husi Akuzasaun | Isaquel Simu Pena Alternativa Tinan 1, Suspende Ba Tinan 3 Fulan 6

DILI– Tribunal Distrital Dili, liu husi desizaun primeriu instansia, desidi alterasaun juridika ba krime insendio agravadu ou kazu sunu uma no violensia domestika nebe Ministeriu Publika Akuza Isaquel Soares Salsinha ho Eusebio dos Santos hanesan Arguidu, tamba laiha provas  nebe forte.

Juiza Ana Paula Fonseca hatete hafoin Tribunal halo deliberasaun ba kazu sunu uma hare katak laiha provas sufisiente atu kondena arguidu nain rua ho krime insendiu agravadu no violensia domestika, tan ne’e Tribunal desidi halo alterasaun juridika ba krime ofensas ba integridade fizika simples ho forma krime violensia domestika, hasoru arguidu Isaquel pena Alternativu tinan 1, maibe suspende ba tinan 3 fulan 6.

Liu husi Audensia Julgamentu arguidu Isaquel rekuinese baku, tuku no tuda Lezada Hermenia nebe hanesan nia kaben, tanba lezada Selingkuh ho Adolfo nebe Informa husi arguidu Eusebio Dos Santos.

Arguidu Isaquel  fiar Eusebio tanba arguidu Eusebio nia uma besik malu ho Lezada iha Ermera, problema selingku nee’e mosu wainhira arguidu mai iha Dili hodi halao servisu,wainhira fila Eusebio informa mak nia ba iha Ermera hodi halo problema hasoru Hermina no sunu Adolfo nia uma.

Audensia Julgamentu ne’e prezidi husi juiz koletivu kompostu husi juiuza Ana Paula Fonseca, Julmira Auxiladora no Argentinho Nunes, Ministeriu Publiku reprezenta husi Prokurador Nelson de Carvalho no arguidu nain rua hetan asistensia legal husi defaza Jose da Silva. Informasaun kompletu iha STL Jornal no STL Web, edisaun Kinta (22/8). Timotio Gusmão

LEAVE A REPLY

Please enter your comment!
Please enter your name here