Kazu VS, Arguido 3 Ataka JX

DILI-Tribunal Distrital Dili (TDD) halo julgamentu ba kazu krime violasaun seksual, nebe Ministeriu Publiko (MP) notifika AA, JS no TFL nudar arguido no JX hanesan lejada.

Iha audensia julgamentu nee tribunal taka ba publiko. Informasaun nebe mak diario nee hetan husi arguido AA hatete, iha loron 15 Marsu 2014 iha oras tuku 23:30 kalan, polisia investigasaun criminal Distritu Dili halo cek point iha igreja Motael oin hodi kaer sira. Nebe momentu nee nia maka lori kareta taxi ho marka proton modelu wira numero matrikula 32-986 hodi tula nia kolega nain 2 ho lejada JX husi Tasitolu.

AA hatete konta tuir katak, iha momentu neba nia buka pasasjeiros. Nunee iha Audian lejada JX hamrik hodi para taxi nebe nia lori. Nemak nia mos tula hodi lori ba iha lejada nia uma iha Becora. To iha Becora lejada JX lakohi tun, JX dehan hakarak atu lao halimar ho taxi ba iha palasio hodi nonton konser. Nunee AA halo tuir hodi tula ba iha palasio governu, maibe too iha neba buat ida laiha. Nemak AA ba tula tan nia kolega nain rua iha Akadiruhun hodi lori lejada ba iha Tasitolu. To’o iha neba arguido AA ho JS mak halo relasaun seksual ho lejada JX, arguido TFL lakohi.

Depois halo tiha relasaun, arguido atu tula hikas fali lejada ba nia uma. Maibe too iha igreja Motael nia oin nebe momentu neba Polisia Investigasaun Criminal mos halo hela cek point. Nemak polisia baku ami nain 3, maibe JX la hakilar no kesar ba polisia. Polisia mak investiga fali mak kaer ami ba kadeia no lori mai iha tribunal nee. Maibe kona ba relasaun nee laos ami obriga nia, mas nia mos hakarak duni. Tanba antes nee mos ami konese malu no iha tiha ligasaun diak ona, dehan AA ba diario nee iha TDD, Sesta (25/07/14).

Iha fatin hanesan lejada JX hatete, iha kalan nee nia hein nia kolega iha Audian. Tanba kareta laiha ona mak nia para taxi nebe mak AA lori nee. Nia husu atu lori hela ba iha Becora nia uma fatin, maibe AA la lori nia ba hatun iha Becora ba fali iha Akadiruhun hodi tula tan nia kolega nain rua hodi ba iha Tasitolu. To iha Tasitolu, AA ho JS mak halo realasaun seksual ba nia maibe TFL la halo nia asiste deit hodi hare. Informasaun kompletu iha STL Jornal no STL Web, edisaun Kuarta (30/7/2014). Domingas Gomes

LEAVE A REPLY

Please enter your comment!
Please enter your name here

NEWS UPDATE

Xanana Husu Joven Kria Pás & Estabilidade

DILI, STLNEWS.co - Lider nasional Kay Rala Xanana Gusmão husu ba joven iha Bairo Moris Foun C, Santo Antonio Comoro atu kria pás no...

Asosiasaun Emprezariu Xineza Apoiu Material Konstrusaun Ba BOP

DILI, STLNEWS.co - Ekipa voluntariu Mama Bolu Timor-Leste parseria ho Asosiasaun Emprezariu Juventude Xineza Timor oan apoiu material konstrusaun ba Batallaun Orden Públika (BOP)...

PR Ho Espoza Vizita Eko Turismo Sentru Estudu Mangrove

DILI, STLNEWS.co - Prezidente Republika Francisco Guterres Lú Olo no nia espoza ohin Domingu (01/08/2021) halo vizita ba fatin eko-turismu Sentru Estudo Mangrove, Hera. Iha...
%d bloggers like this: