Kobra Osan Vitima Krize 2006, Eis Funsionariu MSS Kastigu Tinan 2 Selu Indimizasaun 11.330

DILI– Eis Funsionariu Ministeriu Solidaridade Sosial (MSS) Rosa Fatima de Jesus Soares, Tribunal Primeiru Instansia hamonu kastigu tinan 2 fulan 6  inkliu selu indimizasaun sivil 11.330,  tamba halo kobaransa illegal ba vitima krize 2006, wainhira atu hetan osan rekuperasaun husi estadu.

Tribunal prova akuzasaun husi Ministeriu Publiku Arguida komete krime burla, tamba halo kobaransa illegal ba vitima krize 2006, hodi kobra vitima kuaze nain 150 ho Montante Orsamentu kuaze $11.900,00 dolar Amerika.

Tribunal hamonu kestigu ne’e ba Arguida tamba vitima nebe mak Arguida halo kobaransa vitima tiha ona husi krize 2006, Arguida halo vitima sira sai vitima ba dala rua no mos vitima sira nebe Arguida kobra maioria ferik no katuas nebe la eskola.

Maske Tribunal Hamonu ona kastigu ba Arguida maibe Tribunal sei fo tempu loron 15 ba Arguida, atu halo rekursu kuandu la simu desizaun husi Tribunal primeira intansia tuir lei nebe mak vigora iha nasaun Timor Leste. Informasaun kompletu iha STL Jornal no STL Web, edisaun Sesta (2/8). Timotio Gusmão

LEAVE A REPLY

Please enter your comment!
Please enter your name here