Komandu PNTL Hari Postu BOP Iha Bundaran Comoro

DILI—Atu kontrola diak liu tan seguransa iha area Comoro, nebe maka durante nee sempre mosu problema tuda malu entre joven sira, oras nee Komandu Polisia Nasional Timor  Leste (PNTL) tau tan posto Bateliaun Orden Publiko (BOP) iha area Bundaran Lafatik Comoro.

Tuir komadante jeral PNTL komisariu Longuinhos Monteiro, katak atu tau tan kontrolasaun PNTL iha area nebe indentifika ona, katak sai hanesan fatin ba risku tuda malu, Oras nee dadaun sira komesa ona monta postu ida iha fatin refere.

Ami nia membru BOP sira mos halo ona seguransa iha postu BOP ninian nebe maka monta ona iha areas Lafatik, iha kruzamentu atu nune’e hodi bele kontrola diak liu tan seguransa iha area refere. Alnde nee mos postu polisia hira maka monta ona iha areas Beto rua, nune’e mos postu ida maka monta iha areas Kampu Baru, postu sira nee koloka membrus nain 2 maka iha postu nee, nune’e mos hetan tan tulun seguransa ba patrullhamentu husi membrus BOP sira durante 24 oras nia laran, dehan Longuinhos ba STL iha Kuartel jeral PNTL Kaikoli Dili, Tersa (01/10/2013).

Komadante BOP Superintedente Xefi Afosno dos Santos, informa oras nee, postu BOP hari tan iha areas Bundaran Lafatik, atu nune’e bele kontrola diak liu tan movimentu joventude sira nian iha areas parte Komoro, liu-liu iha Bundaran Lafatik nebe komunidade sira sempre kestiona katak, joven sira sempre tuda malu iha area nee. Informasaun kompletu iha STL Jornal no STL Web, edisaun Kuarta (2/10). Madalena Horta

LEAVE A REPLY

Please enter your comment!
Please enter your name here