Kombate Krime Organizadu, PNTL-Polri Realiza Seminar Internasional

DILI- Polisia Nasional Timor  Leste (PNTL), Servisu hamotuk ho Embaxada Indonesia iha Timor Leste, realize Seminar Internasional loron rua ho Tema Trans Nasional, Krime Azensia Narkotika. Seminariu ne’e loke hosi Primeiru Ministru Kay Rala Xanana Gusmao, hanesan Ministru Defeza no Siguransa, no orador hosi Internasional nomos Nasional.

Tuir Komandante Jeral PNTL komisariu Longuinhos Monteiro katak, seminariu nee importante tebes tamba servisu hamotuk entre Timor Leste ho Embaxada Indonesia, nebe fo nia kontribuisaun bo’ot, hodi realiza seminar ida nee.

Laiha mundu ida nebe atu kombate krime organizadu nee mesak-mesak deit, tan ne’e ita tenke bolu malu hodi halo koperasaun hamotuk, atu nune’e Forsa Polisia no forsa estadu bele hamotuk hodi asegura ita nia Fronteira, tamba krime ida nee organizadu, dehan Komandante Jeral PNTL, Komisariu Longuinhos Monteiro ba Jornalita sira, Terca (26/11/2013) iha Centru Convensaun Dili.

Iha fatin hanesan reprejentante Embaxador Indonesia iha Timor Leste, Brigjen Pol Arman Depari hatutan, servisu hamotuk entre siguransa rai rua nee imoprtante tebes, tamba iha ona konkordasia ba malu entre PNTL ho Polri, nomos PNTL ho Badan Nasional Narkotika Indonesia (BNN),tan ne’e liu hosi konkordansia malu atu servisu hamotuk nafatin ba future. Informasaun kompletu iha STL Jornal no STL Web, edisaun Kuarta (27/11/2013). Madalena Horta/Sonia Ferreira

LEAVE A REPLY

Please enter your comment!
Please enter your name here