Komete Krime Korrupsaun, 3 Junhu Tribunal Julga Eis ME Cançio

DILI-Tribunal Distrital Dili (TDD) sei realiza audensia julgamentu ba arguido eis Ministru Educasaun (ME) Joao Cançio, iha loron 3 Junhu 2014.

Tuir informasaun nebe STL hetan husi official justisa nebe lakohi temi naran ba diario nee hatete, julgamentu ba arguido eis ME João Cançio sei halao iha loron 3 fulan Junu tinan nee. Oras nee dadauk numero krime nee sei hatama hela ba iha tribunal rekursu, depois hatun mai mak halo julgamentu.

Hau la hatene arguido ministeriu publiko akuza nia ho krime saida, hau la lembra tiha. Tanba notifikasaun nebe ministeriu publiko haruka mai sei hatama hela ba iha tribunal rekursu. Nebe hau labele fo sai, hau so hatene deit mak data julgamentu nian, dehan fontes nee iha TDD, Kuarta (07/05/2014).

Nia hatutan, depois simu despaisu husi tribunal rekursu maka nia foin bele fo hatene kona ba kazu nee nia numero prosesu no krime nee tuir artigu hira.

Arguido eis ME João Cançio deskonfia komete krime korupsaun, hodi fo projeitu ba kompania internasional nebe manan tender atu loke TV Educasaun, maibe ikus mai kompania ne’e lori halai tiha osan estadu nebe mak oferese husi ministeriu refere. Informasaun kompletu iha STL Jornal no STL Web, edisaun Kinta (8/5/2014). Domingas Gomes

 

LEAVE A REPLY

Please enter your comment!
Please enter your name here