Komete Krime Omesidiu Agravadu, Kondenadu Simu Prizaun 18

DILI- Kondenadu Domingos tenke simu pena prizaun tinan 18 husi tribunal, tanba halokon vitima Ernestu nia vida tuir kodigu penal Timor Leste. No ba arguidu Moizes de Jesus Tribunal absolve total husi akuzasaun Ministeriu Publiku (MP), tamba arguidu Moizes momentu nee la iha fatin akontesementu.

Liu husi leitura akordaun nebe le’e sai husi juis Julio Gantes, katak razaun tribunal kondena arguidu Domingos ho pena prizaun tinan 18, tamba iha audensia julgamentu arguidu Domingos rekonese duni katak nia maka ta’a Ernestu to’o mate no deklara katak momentu ne’e Moizes la iha fatin akontesementu, nia ho vitima deit.

Antes ne’e iha audensia julgamentu akuzasaun nebe MP akuza ba arguida sira katak, iha loron 7 fulan Setembru 2013 iha suku Baoleten Sub-Distritu Atsabe Distritu Ermera, vitima Ernestu husi DIli atu ba Atsabe, arguidu nain rua Domingos ho Moizes hein vitima iha mota laran, bainhira vitima to’o iha mota laran, arguidu sira komesa provoka vitima, maibe arguidu la preokupa no lao nafatin.

Antes nee arguidu Domingos deklara katak, Ernestu nia mate laos tamba ulun suku, maibe momentu ne’e la hatene tanba saida, vitima ho arguidu hasoru malu iha dalan klot, husi sorin rai naruk no husi sorin mos rai naruk laos iha mota laran. Informasaun kompletu iha STL Jornal no STL Web, edisaun Kuarta (12/2/2014). Domingas Gomes

LEAVE A REPLY

Please enter your comment!
Please enter your name here