Kumpri Lei Orsamentu, Governu Seidauk Aprezenta Planu Ejekusaun

DILI- Kumpri Lei Orsamentu Jeral Estadu (OJE) 2014 Artigu 8, Governu liu husi Kada Ministeriu tenki Aprezenta planu no programa Ejekusaun Orsamentu ba parlamentu Nasional (PN), maibe to’o oras ne’e seidauk Aprezenta.

Tuir deputada Bankada Fretelin Maria Angelica katak antes bolu kada ministeriu atu hato sira nia planu no programa orsamentu, tamba Ministeriu hat mak kumpri ona lei  orsamentu estadu 2014, maibe seidauk iha planu orsamentu no ejekusaun.

Liga ba artigu 8 kona ba ita nia piskalizasaun, ita hare ba kapasidade ejekusaun no hare mos ba kualidade, ita bolu ona ministeriu hat maibe too agora seidauk iha planu ejekusaun fulan tolu nian seidauk iha ita nia meja, dehan Angelica liu husi Sesaun Plenaria iha Uma Fukun PN Segunda (14/04/2014).

Nia parte preokupa mos planu fulan tolu nebe maka sei mai, tan ne’e husu ba meja Parlamentu Nasional atu haruka karta ba kada ministeriu, kuandu marka prezensa iha Parlamentu Nasional tenki ho planu no programa.

Liafuan hanesan hato’o husi deputada Josefa Pereira katak governu nia planu kada trimestral ne’e tuir lolos bele tama ona iha meja deputadu sira, atu nune bele halo availasaun ba ejekusaun orsamentu iha trimestral dahuluk. Informasaun kompletu iha STL Jornal no STL Web, edisaun Tersa (15/4/2014). Timotio Gusmão

LEAVE A REPLY

Please enter your comment!
Please enter your name here

NEWS UPDATE

Numeru Covid Aumenta, Adriano: Fatin Ba Pasiente Grave La iha

DILI, STLNEWS.co - Deputadu Adriano do Nascimento hatete, kada loron numeru Covid-19 iha Timor Leste kontinua aumenta ba bebeik, maibe fasilidade liu liu ba...

MESSK Asina MoU Ho Ensinu Superior Publiku & Privadu

DILI, STLNEWS.co - Ministru Ensinu Superior Siensia no Kultura (MESSK), Longuinhos dos Santos, asina Memorandum of Understanding (MoU) ho ensinu superior publiku no privadu...
%d bloggers like this: