La Foti Telefone, Suzete Simu Pankada

DILI-Suzete Maria dos Santos Lobato neebe Ministeriu Publiku (MP) notifika hanesan lezada, tenki simu tuku husi nia kaben Epifanio Silva da Costa Faculto, tanba lezada la atende arguidu nia telefone.

Tuir akuzasaun husi MP neebe le sai husi juis singular Duarte Tilman katak, iha loron 4 Outubro 2013, iha Bairo-Pite arguidu ba iha nia primu Jeronimo nia uma. Nunee arguidu telefone ba lezada atu sosa sasan iha loja Jacinto. Maibe lezada la atende arguidu nia telefone. Tanba telefone rai hela iha uma, lezada sai tiha. Nunee halo arguidu nervozu lori besi baku iha lezada nia kanuruk halo kanek. Ho arguidu nia hahalok nee MP akuza arguidu ho krime ofensas integridade fisiku simples konjuga ho krime violensia domestika tuir kodigu penal TL.

Hafoin rona akuzasaun arguidu deklara katak, momentu nee nia la baku lezada, nia baku kareta mak besi kona sala lezada nia matan fukun. Arguidu informa ba tribunal katak, momentu nee nia nervozu tanba telefone ba lezada dala 20 ka 30 mos lezada la foti.

Ami rua antes nee iha problema ona, hau basa nia dala ida nee nia la halo keixa, maibe ida baku kareta nee mak nia halo keixa dehan fali hau baku nia ho besi, koalia arguidu ba tribunal.

Iha alegasaun final, MP husu tribunal aplika pena tuir krime neebe arguidu halo. Tanba arguidu mos konfesa hotu nia hahalok. Iha parte seluk defeza husu pena justu ba arguidu. Tanba arguidu tenta husu deskulpa, maibe lezada mak la simu. I arguidu arepende ho nia hahalok. Informasaun kompletu iha STL Jornal no STL Web, edisaun Kinta (10/7/2014). Domingas Gomes

LEAVE A REPLY

Please enter your comment!
Please enter your name here

NEWS UPDATE

Rede Feto Triste, Feto Sai Vitima

DILI, STLNEWS.co - Rede Feto Timor Leste triste hodi asiste sitausaun realidade, neebe akontese halo feto sai vitima ba situasaun moris iha familia, liu...

Hasoru Susar, Penhor Oan; Konsidera Krime, Presiza Investiga

DILI, STLNEWS.co - Relasiona ho inan neebe penhor nia oan atu selu uma kos, Prezidente Parlamentu Nasional (PPN), Aniceto Guterres konsidera tama kategoria krime,...

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • Mensagen Avo Horta https://youtu.be/YPnLzaLb43E • Mental Health https://youtu.be/Ow3-hgXPryE •...
%d bloggers like this: