La Sama-Agio Pereira No Dr. Rui Iha Kapasidade Sai PM

DILI – Relasiona ho rejignasaun Primeiru Ministru (PM), Xanana Gusmao, iha lideransa nain 3 maka maioria ema temi atu troka hodi asumi kargu hanesan Primeiru Ministru ne’ebe mak husik hela hosi Xanana Gusmao.

Tuir Sosiadade Sivil nia hare figura nain 3 hanesan Vise Primeiru Ministru, Fernando La Sama, Ministru Estadu no Prezidente Konselho Ministru Hermenigildo Agusto Cabral Pereira, no Dr. Rui, inklui lideransa sira seluk iha duni kapasidade atu asumi kargu Primeiru Ministru hodi troka Xanana Gusmao.

Rejignasaun PM nian ne’e hanesan prosesu ida atu hakat tan ba oin no hare hosi aspeitu politika nia impaktu ne’e sei oin-oin no desijaun ne’e laos final maibe iha nia kontinuasaun no se mak atu sai PM ne’e hanesan transisaun no ema nain 3 hanesan Dr, Rui Araujo, Agio Pereira no Lasama, ema sira ne’e mesak iha esperensia lideransa nian no sira merese importante maka atu hatutan servisu PM Xanana Gusmao nian nomos defende ba ema hotu nia hare, dehan Director ONG Luta Hamutuk, Mericio Akara, ba STL iha ninia servisu fatin Farol Segunda (13/01).

Akara husu ba ida ne’ebe maka atu troka PM Xanana atu lori prosesu ne’e to’o nia rohan, labele para iha klaran deit no pronto atu simu no lori nasaun ne’e ba oin.

Iha fatin ketak tuir Diretor Asosiasaun HAK, Manuel Monteiro mos hatete se deit mak atu kaer pasta hanesan PM, importante mak kria sistema ida ne’ebe diak hodi asegura povu tomak nia Direitu Humanus. Informasaun kompletu iha STL Jornal no STL Web, edisaun Tersa (14/1/0214). Thomas Sanches

LEAVE A REPLY

Please enter your comment!
Please enter your name here