La Sama, “Direitu Humanus Laos Halo Tuir Ida-Ida Nia Hakarak”

DILI – Vise Permeiru Ministru Timor Leste, Fernando La Sama de Araujo, hatete direitu humanus laos katak ema hotu-hotu halo tuir ida-ida nia hakarak, maibe tenke tuir lei ne’ebe iha.

La Sama dehan koalia konaba Direitu Humanus labele haluha mos dever hanesan sidadaun, labele fo impaktu ba ema seluk, tamba ne’e komemora loron direitu humanus ne’e, La Sama husu atu komprende didiak direitu.

Direitus Humanus ne’e laos katak ema hotu-hotu halo buat ida tuir nia hakarak deit, kuandu ita kolia diretus humanus ita la bele haluha ita nia dever hanesan sidadaun ida, labele fo fali impaktu ba ema seluk, izemplu direitu rona muzika iha tempo ema seluk deskansa hodi halo ema toba la dukur ne’e laos direitus humanus tanba uza nia direitu hodi estraga fali ema seluk, hatete La Sama, ba jornalista sira iha Palacio Prezidensial Aitarak Laran, hafoin partisipa iha loron direitus humanus, Tersa (10/12).

Vise PM La Sama hatutan hanesan sidadaun nebe moris iha nasaun ida, tenke moris tuir lei tamba lei mak regula ema hotu. Iha Timor Leste maioria sidadaun seidauk kumprende diak lei tanba uza ninia direitu hodi insulta fali ema seluk, tanba ne’e nia husu atu hotu-hotu servisu hamutuk hodi koloka sasan tuir nia fatin. Informasaun kompletu iha STL Jornal no STL Web, edisaun Kuarta (11/12/2013). Thomas Sanches/Joao Anibal

LEAVE A REPLY

Please enter your comment!
Please enter your name here