La Sama Fila Hikas Husi Hospital Singapura “Hau Sorte Ho Pozisaun Ne’ebé Assume Salva Hau Nia Vida”

DILI–Vise Primeiru Ministru (PM), Fernando La Sama de Araujo durante semana tolu resin baixa iha Hospital Singapura hodi halo operasaun, tanba sofre moras korasaun (fuan), Tersa (9/7), to iha hikas iha TL, ho aviaun Silk Air, liu husi Aero Portu Nicolao Lobatu, Komoro.

La Sama to iha Aero Portu, militante husi Partidu PD, fo hasoru ho aifunan ba nia, sinifika katak Vise PM, nudar mos Prezidente Partidu PD moris fila fali atu hodi kuntinua politika Partidu nia no lidera nasaun ida ne’e ba iha future.

Tuir La Sama liu husi konferensia Imprensa iha Aero Portu Dili, Tersa (9/7), katak moras ne’ebe nia hetan sofre fuan nia inpaktu mai husi fuma segaru no hemu tua, ne’eduni nia mos apelu ba joven timor oan tomak katak atu hapara fuma segaru no hemu tua, tanba durante nia konsumi tua ho segaru maka hetan moras ida ne’e.

“Hau hetan sorte bo’ot tebes tanba hau asumi pozisaun nudar Vice Primeiru Ministru, ne’ebe hetan tratamentu ida diak, imposivel ema hotu bele hetan tratamentu hanesan, ida ne’e ita labele bosok malu,” hatete Vise PM, La Sama.

Ho esforsu ne’e nia iha ho hetan tratamentu iha Singapura, tanba nia lakohi atu husik mundu ne’e ho idade ida ne’ebe sei naton, tanba nasaun no povu ida ne’e sei presiza  nia kontribuisaun  iha futuru mai.

Nia esplika tan katak Doutor sira halo Check Up ba nia moras to’o hetan operasaun tanba dada is nian nakonu ho bee iha Pulmaun. Impaktu bee nakonu ne’e tanba ninia fuan la servisu ho diak. Bainhira iha HNGV la bele atende ona nia hetan dalan tenki ba ospitál Bali Indonesia maibé iha ne’eba mós nia la hetan esplikasaun diak husi doutór sira. Informasaun kompletu iha STL Jornal no STL Web, edisaun Kuarta (10/7). Oscar Salsinha

2 COMMENTS

  1. Governu hasai rezolusaun liu husi enkontru kM ne’e, la justu signifika kapasidade atu kaer uku sei menus, kazu sira la dun rumit sei bele iha dalan atu buka solusaun, maibe tanba sa tenke taka total, ida ne’e hamate vontae grupu hotu-hotu atu dezenvolve a’an inklui grupu kooperativa sira. tanba sa foti desizaun radikal sira ne’e?

  2. Los ho Pozisaun Ne’ebé Sr. Lasama Assume Salva Nia Vida” se karik Sr. Lasama ne’e mak hanesan ho povo kiak sira karik kala Sr. Lasama dala ruma hein hela deit naran iha familia nia le’et..
    razaun hatudu duni ona iha Hospital iha ita nia nasaun ida ne’e la hetan tratamentu ho diak hanesan ho nai ulun sira, familia i pior liu ema estarajeiro ne’ebe mak familia ema nai ulun timor sira mos bele hetan tratamentu ne’ebe diak i bele haruka ba halo konsultasaun iha rai liur.H

LEAVE A REPLY

Please enter your comment!
Please enter your name here