La Selu Indimizasaun Ba Estadu, Ruben Braz Tama Prizaun Tinan 3

DILI- Eis Administrador Distritu Dili João Ruben de Carvalho Braz, foin lalais ne’e Ministeriu Publiku halo pedidu ba Tribunal atu muda medida koasaun Ruben nian nebe durante ne’e hetan TIR, hodi tama prizaun tinan tolu. Tanba tempu nebe fo ba nia atu selu indimizasaun ba estadu ho montante US$ 21.800 mil liu ona.

Oras ne’e eis administrador distritu Dili tama ona prizaun Becora hodi kumpri pena prizaun tinan 3 fulan 6. Nebe Tribunal Distrital Dili (TDD) kondena nia antes iha 2011 kona ba kazu abuzu konfiansa ho korrupasaun nebe akontese iha Administrador Dili, no komete husi eis Administrador nee rasik.

Tuir informasaun nebe jornalista sira assesu husi ofisial justisa iha tribunal katak, polisia ba kaer Ruben iha tuku 02.00 loraik iha nia uma Farol. Ofisial nee informa, antes ne’e tribunal kondena Ruben ho pena prizaun tinan 3 fulan 6 ho selu indimizasaun ba estadu ho montante US$ 21.800 mil.

Tanba hare ba liu ona tempu tinan 3 ne’e, parte Ministeriu Publiku halo pedidu ba Tribunal atu muda medida koasaun Ruben nian nebe hetan TIR nee ba Prizaun, tanba tempu nebe fo ba nee liu ona. Nunee tribunal mos aseita hodi hasai mandadu koasaun prizaun ba Ruben hodi kumpri nia pena nebe tribunal hasai antes ona, katak ofisial justisa.

Oras ne’e dadaun mos Ruben Braz sai tan arguidu ba kazu abuzu poder no não partisipasaun ekonomia ba projetu Programa Dezenvolvimentu Distrital (PDD) 1 iha tinan 2010. Nebe arguidu Ruben futu lia hamutuk ho kompanhia Manudere Construction Lda, nebe nia nain mos ema Funsionariu Publiku hodi manan projetu PDDI. Informasaun kompletu iha STL Jornal no STL Web, edisaun Sesta (14/2/2014). Domingas Gomes

LEAVE A REPLY

Please enter your comment!
Please enter your name here

NEWS UPDATE

Situasaun Covid-19, HNGV Kama Mamuk Barak

DILI, STLNEWS.co - Ho situasaun pandemia surtu Covid-19 neebe oras nee Timor-Leste hasoru, halo pasiente barak mak la mai halo tratamentu iha Hospital Nasional...

Familia La Simu Matebian LM Tara Aan Mesak, Teofilo: Hau Hein Rezultadu Investigasaun

DILI, STLNEWS co - Familia husi matebian Lebenita Madeira neebe deskonfia tara aan iha nia rezidensia Bebonuk nee sira la simu, tanba nee husu...

Rede Feto Triste, Feto Sai Vitima

DILI, STLNEWS.co - Rede Feto Timor Leste triste hodi asiste sitausaun realidade, neebe akontese halo feto sai vitima ba situasaun moris iha familia, liu...
%d bloggers like this: