La Suku Kalsa, Joao Tuku Lolita

DILI-Arguido Joao Felisberto tenke hatan iha tribunal tanba baku no tuku lejada Lolita Maria Alves. Tanba deit la suku arguidu nia kalsa talin.

Liu husi audensia julgamentu Juis singular le’e sai akuzasaun husi Ministeriu Publiku katak iha loron 6 Marsu 2011 tuku 18:30 loraik, iha uma lejada hasee arguido hatais kalsa ida nebe nia uja. Nunee arguido hirus hodi mosu diskusaun no arguido basa nia dala rua iha tilun hun no tuku iha rentos dala ida.

Hatan ba akuzasaun ne’e arguidu Joao hili nonok, no nia rekonese katak nia basa dala rua iha lejada nia oin no tuku dala ida iha nia tilun hun. Nia baku tanba haruka lejada atu hadia kalsa talin nebe at, haruka lejada atu suku. Maibe lejada la halo tuir, to’o loron arguidu foti kalsa nee hatais mak lejada hasee dehan labele hatais.

Iha fatin hanesan lejada Lolita Maria Alves hatete, arguidu baku nia dala rua iha oin no tuku isin ida iha rentos. Arguido baku tanba haruka nia atu suku fodik kalsa maibe nia la suku. Nemak arguido hirus hodi baku nia, maibe depois problema arguido husu deskulpa no rejolve kedas familia uma laran.

Depois rona tiha deklarasaun husi parte rua nian, tribunal submete kedas ba iha alegasaun final. Nunee MP husu ba tribunal atu aplika pena multa ba arguidu, no parte defesa husu tribunal atu aplika pena multa e pena admoestasaun. Desizaun ba kazu nee adia fali ba loron 14 fulan Junu, tuku 16:30 loraik otl. Informasaun kompletu iha STL Jornal no STL Web, edisaun Tersa (24/06/2014). Domingas Gomes

LEAVE A REPLY

Please enter your comment!
Please enter your name here

NEWS UPDATE

Numeru Infetadu Covid-19 Iha Prizaun Becora Sae Ba 221, Covalima 37

DILI, STLNEWS.co - Ministru Justisa (MJ) Manuel Carceres hateten, iha prizaun Becora dadaun nee numeru infetadu ba moras Covid-19 husi dadur no guarda prizaun...

Projetu Neebe Finaliza, Governu Tenke Halo Pagamentu

DILI, STLNEWS.co - Reprezentante povu iha uma fukun Parlamentu Nasional, (PN) husu ba governu atu halo pagamentu ba projetu 44 neebe kompania sira finaliza...

Numeru Covid Aumenta, Adriano: Fatin Ba Pasiente Grave La iha

DILI, STLNEWS.co - Deputadu Adriano do Nascimento hatete, kada loron numeru Covid-19 iha Timor Leste kontinua aumenta ba bebeik, maibe fasilidade liu liu ba...
%d bloggers like this: