La Tahan Ho Agresaun Paulino, Wati Lori Oan Nain 3 Halai ba Kupang

DILI- Vitima Wati Riana senti latahan ho hahalok agresaun fizika nebe arguidu Paul de Deus halo ba nia iha loron 1, 2,3, 4, no 5, de Junho 2012. Hodi halo nia desidi lori oan nain tolu halai ba familia sira iha Kupang Indonesia.

Liu husi audensia julgamentu iha Tribunal Distrital Dili, juiz fo sai akuzasaun husi Ministeriu Publiku katak iha loron 25 maio 2012 arguidu tuku, tebe vitima Wati tanba deskonfia sms nebe iha vitima nia telemovel laran. Maibe hafoin ida nee familia sira husi Letefoho lori kedas arguidu ho lezada ba Letefoho iha loron 31 Maio 2012 ba rejolve problema.

Maibe bainhira fila husi Letefoho iha loron 1 Junho 2012  to’o iha uma, arguidu foti tudik tuda ba vitima mais la kona. Arguidu haruka nia oan feto bot foti tudik hodi ba rai iha dapur. Nunee arguidu ho vitima kontinua baku malu no riba malu ba rai, hahalok baku nee hahu iha loron refere to’o loron 05 de Junho 2012.

Tanba la tahan vitima halai ba hela iha vizinhu nia uma durante loron 3, maibe arguidu sempre ba provoka hela deit. No vitima sente la seguru vitima halai liu ba uma mahon iha fokupers. Ho hahalok arguidu nian Ministeriu Publiku akuza arguidu ho krime Maustratus tuir lei kodigu penal TL.

Sasin Tito Baptista nudar manajer kompania nebe vitima servisu ba hatete, altura neba vitima sempre tama servisu tarde. No dala ruma vitima falta servisu. Tan nee sasin husu ba vitima rajaun saida mak halo nia labele ba servisu maibe vitima resposta katak nia hasoru problema uma laran mak latama servisu. Informasaun kompletu iha STL Jornal no STL Web, edisaun Kinta (10/10). Domingas Gomes

LEAVE A REPLY

Please enter your comment!
Please enter your name here