Lakohi Fuga Etu, Fernanda Han Aisuak Husi Denis

DILI-Fernanda Maia nebe Ministeriu Publiku (MP) notifika hanesan lezada tenki simu aisuak iha nia ulun, tanba lakohi fuga etu ba nia kaben Denis De Deus Magalhes nebe MP notifika hanesan arguido.

Tuir akuzasaun nebe le sai husi juis singular Gulio Gantes katak, iha loron 17 Outubro 2012, iha oras 07.00 dader otl, iha sira nia hela fatin suku Louana, Sub-Distritu Letefoho, Distritu Ermera arguido haruka lezada atu ba fuga etu, maibe tanba lezada hare hela sira nia oan nebe kiik oan hela, nune lezada la konsege fuga etu.

Ho hirus arguido loke odamatan hodi foti aisuak kuda batar baku kedas ba lezada nia ulun dala ida, halo ran sai barak hafoin arguido lori aisuak nee baku ba lezada nia kabas rua nee to’o bubu. Kauza husi arguido nia hahalok nee halo lezada hetan kanek.

Ho arguido nia hahalok nee, MP akuza arguido ho krime vilensia domestika tuir kodigu penal TL. Hafoin rona akuzsaun arguido deklara ba tribunal katak akuzasaun husi MP nee los hotu. No arguido arepende ho nia hahalok nee, promete sei la halo tan. Informasaun kompletu iha STL Jornal no STL Web, edisaun Tersa (26/11/2013). Domingas Gomes

LEAVE A REPLY

Please enter your comment!
Please enter your name here