Lakon Esperansa ba Futuru, Joven Involve Asaun Oho Malu

DILI-Relasiona ho Joventude Timor oan nebe Involve iha asaun krime Hanesan Oho malu iha nasaun Timor Leste, tuir Sosiedade Sivil Asosiasaun Hak nia hare joventude lakon esperensa tamba laiha ona esperensa moris futuru ninian.

Tuir koodenador programa Advokasia Direitus Umanus iha Asosiasaun HAK Sisto dos Santos katak Joventude Involve iha asaun oho malu iha rai laran laos krime organizadu maibe parte ida husi frustadu joventude sira nian nebe mak la iha ona esperensa ba futuru tan nee’e involve iha asaun oho malu.

Ita nia joventude sira nebe mak laiha ona esprensa ba iha futuru tan nee’e mak sira uza sira nia maneira ida nebe halo ema seluk kanek no balun mate, ami hanoin oho malu nebe mak iha fo hela reflesaun ba ulun boot sira nebe oras nee’e ukun nasaun Timor Leste, dehan Sisto ba STL Kuarta (25/09) iha ninia knar fatin.

Iha fatin seluk Prezidente komisaun B Parlamentu Nasoional asuntu Negosiu Estranjeirus Defeza no Seguransa Deputada Maria Lourdes hatete, joventude ohin loron, falta kampu servisu, no falta kondisaun atu ba eskola, aktividades barak mak halo joventude sira oho malu. Informasaun kompletu iha STL Jornal no STL Web, edisaun Sesta (27/9). Timotio Gusmão

1 COMMENT

  1. ulun boot sira tengki hare ba problema hirak ne tamba sa mk oho malu la para?? i tmba sa mk problma la hotu?? hanoin didiak boot sira nia lia fuan nbe mk durante tun ba kraik promete hela ba povu no joven sira ne,laiha realidade nemak sira hodi pravoka situasaun ida nune karik.

LEAVE A REPLY

Please enter your comment!
Please enter your name here