Lanu La Kontrola-An, Milka Baku Jose To Nehan Monu

DILI- Ho kondisaun lanu no la kontrola an, arguido Milka da Costa Pinto baku lezadu Jose Luis da Costa no nehan fuan ida monu. Akontesimentu nee tanba deit la simu malu liafuan.

Liu husi audensia julgamentu juis lee tuir akuzasaun husi ministeriu publiko ba arguido katak, arguido halo alegasaun fisiko hasoru lezadu Jose Luis da Costa. Arguido baku vitima nia oin bubu, ulun kanek no halo nehan monu. Depois le hotu, arguido ladun kontenti ho akuzasaun hirak nee katak balun los i balun la los.

Arguido Milka da Costa Pinto deklara, nia parte halo duni alegasaun fisika hasoru lezadu Jose bainhira iha serimonia inagurasaun residensia nia maun.  Lezadu mos mai hotu iha serimonia nee, tanba nia feton mak arguido nia maun nia ferik oan. Iha momentu neba ho kondisaun lanu mak sira baku malu.

Ami nain tolu hemu tua, hau, lezadu ho kolega Zilson. Ami tur hemu tua iha neba, momentu nee hemu barak hodi lanu. Ami koalia la rona malu hodi diskute malu kona ba asuntu nebe la vale. Momentu nee koalia kona ba profissaun ida-idak nian iha tempu pasadu. Nemak to istorio malu, maun Jose koalia ho lian ingles deit halo hau la komprende saida mak nia koalia. Nebe hau la fo atensaun ba nia liafuan, nemak nia foti tua fakar ba hau nia matan laran. Hau dehan ba nia katak maun labele halo alin sira hanesan nee. Maibe maun Jose foti meja soe tan mai ami nain rua. Depois atu fila , hau loke odamatan atu sai maun Jose tuku hau iha parte kakorok nian. nemak hau mos dudu tiha nia, iha nemak akontese ami baku malu, Milka konfesa.

Audensia julgamentu refere lidera husi juiz kolektivu Dr. Jose Maria, reprejenta husi ministeriu publiku Renato Bere Nahak, no arguido hetan assitensia legal husi defensor Arlindo Sanches. Informasaun kompletu iha STL jornal no STL Web, edisaun Sesta (18/10). Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • Mensagen Avo Horta https://youtu.be/YPnLzaLb43E • Mental Health https://youtu.be/Ow3-hgXPryE •...

Pozitivu Covid-19 Nain 161, Rekoperadu 126

DILI, STLNEWS.co - Ohin loron 15 fulan Maiu hodi Centro Integradu Gestão de Crises, Sala Situação (CIGC-SS), rejistu kazu Covid-19 pozitivu hamutuk nain 161,...

Tinan Barak Komunidade Maslidun La Asesu Bee Mos

DILI, STLNEWS.co - Durante tinan barak nia laran, komunidade iha Maslidun, Lagoa 2 la asesu bee mos, tanba nee obriga sira sosa deit bee...
%d bloggers like this: