Lei Komonikasaun Sosial Tama Ona PN

DILI–Sekretariu Estadu Komonikasaun Sosial (SEKOMS), Nelio Isac Sarmento, hatete lei komonikasaun social, agora dadaun tama ona iha Parlamentu Naional (PN), hein debate deit ona.

Nelio Isac Sarmento, kasu lia hirak ne’e ba jornalista sira iha uma fukun Parlamentu Nasional (PN) Kinta (10/10).

Lei ne’e agora tama ona iha Parlamentu Nasional no hein tau iha ajenda para membru Parlamentu halo diskusaun atu muda ga la muda ne’e depende ba parlamentu sira hau so fo hanoin deit katak laiha mudansa signifikante ba esbosu lei ne’ebe mak durante ne’e ita diskute so iha buat balu mak ita halo atu aumenta atu halo los intrepetasaun balu sobre servisu komonikasaun social nian, izemplu se mak sai jornalista lolos tanba ema sai jornalista tenke iha abilitasaun ida,  hatete Nelio.

Iha fatin hanesan membru Komisaun A Deputadu, Arao Noe de Jesus, hatete, dadaun ne’e iha pakote lei rua maka hanesan lei rai no lei komunikasaun sosial iha meza parlamentu, maibe seidauk hatun ba komisaun.  Informasaun kompletu iha STL Jornal no STL Web, edisaun Sesta (11/10). Thomas Sanches

LEAVE A REPLY

Please enter your comment!
Please enter your name here