Lucia Desloka Ba Singapura

DILI-Kondenadu Lucia Maria Brandão Freitas Lobato iha loron Kinta (17/7) oras 14:30 desloka ba nasaun Singapura ho aviaun Silk Air, hodi halo tratamentu iha hospital Singapura, relasiona ona ho moras kankru mamai neebe nia sofre kleur ona.

Lucia Lobato desloka ona ba nasaun Singapura ho aviaun Silk Air hodi kontinua halao nia tratamentu saude. Lucia desloka ho aviaun Slik Air iha oras tuku 14:30 hodi ba halao tratamentu saude iha National University Hospital (NUH), hetan akompaniamentu husi Dotor Andre Almeida da Cruz Monteiro, inklui mos familia pasiente.

Advogadu Jose Pedro Camoes hatete, nia agradese tanba ho esforsu tomak no ikus mai nia kliente bele iha direitu atu desloka duni ba halo traramentu saude hanesan mos pasiente sira seluk iha estrangerio.

Iha despaisu tribunal nee koalia konaba liberdade Lucia atu ba halao tratamentu saude iha Singapura. Nunee iha loron nee kedas ami lori despaisu tribunal nee ba aprezenta iha Ministeriu Justisa Diresaun Nasional Registo Notariadu atu halo verifikasaun ba Lucia nia passaporte. No tuir planu depois de verifikasaun Lucia bele desloka ba Singapura, dehan Pedro iha Aeroporto Nicolau Lobato, Komoro, Kinta (17/7).

Luis Lobato reprejenta familia hatete desizaun tribunal autoriza Lucia Lobato ba halo tratamentu iha nasaun Singapura, bazeia ba junta mediku husi Hospital Nasional Guido Valadares, hatete katak Lucia tenki ba kontinua halo nia tratamentu saude iha liur depois de remata operasaun iha Baucau semana kotuk. Informasaun kompletu iha STL Jornal no STL Web, edisaun Sesta (18/7/2014). Domingas Gomes

LEAVE A REPLY

Please enter your comment!
Please enter your name here

NEWS UPDATE

Numeru Infetadu Covid-19 Iha Prizaun Becora Sae Ba 221, Covalima 37

DILI, STLNEWS.co - Ministru Justisa (MJ) Manuel Carceres hateten, iha prizaun Becora dadaun nee numeru infetadu ba moras Covid-19 husi dadur no guarda prizaun...

Projetu Neebe Finaliza, Governu Tenke Halo Pagamentu

DILI, STLNEWS.co - Reprezentante povu iha uma fukun Parlamentu Nasional, (PN) husu ba governu atu halo pagamentu ba projetu 44 neebe kompania sira finaliza...

Numeru Covid Aumenta, Adriano: Fatin Ba Pasiente Grave La iha

DILI, STLNEWS.co - Deputadu Adriano do Nascimento hatete, kada loron numeru Covid-19 iha Timor Leste kontinua aumenta ba bebeik, maibe fasilidade liu liu ba...
%d bloggers like this: