Manan Ka Lakon Nafatin Suporta Portugal

DILI, STLNEWS.co – Adeptus Portugal iha Timor Leste neebe mak suporta masimu ekipa Portugal iha jogu Euro 2020 nafatin suporta ekipa Portugal, wainhira Portugal manan ou lakon.

Lia hirak nee hatoo husi adeptus Portugal iha Timor Leste, Cristina Mesquita ba STL iha Fomentu, Domingo (20/05/2021).

Tuir Cristina katak, wainhira Portugal manan ka lakon sei nafatin suporta masimu ba ekipa refere, no nafatin mantein suporta ekipa Portugal.

“Konaba jogu Euro nee, hau fans liu mak nasaun Portugal, tanba nee hau nafatin fo suporta masimu ba Portugal, no sei la muda tan ami nia fans ba nasaun seluk maske ohin nia derota ho nia adversariu Alemanha,” tenik Cristina.

Nia dehan, razaun sai hanesan adeptus Portugal iha Timor Leste, hodi fo apoiu ba Portugal, tanba Portugal laos deit husi Ronaldo nia jogu uluk nee, maibe tanba Portugal mos iha hotu CPLP, depois nasaun Portugal mos konese Timor Leste, neebe tenke apoiu masimu ba Portugal.

“Ba ami, Portugal lakon mos la buat ida importante mak ami nafatin suporta Portugal hodi hetan vitoria iha jogu tuir mai,” tenik nia.

Enkuantu adeptus Alemanha iha Timor Leste, Antonio Coa orgulho tanba nasaun neebe sira fo suporta bele manan nia ekipa adversariu Portugal.

“Ba nasaun sira neebe joga iha piala Euro, hau hili ka fans liu mak Alemanha, tanba ho jogadores neebe iha fuan ba bola no hatene kontrola an bainhira iha kampu laran,” tenik nia.

Nia akresenta, ba oin Alemanha manan nee sorti ida, lakon ne pelajaran ida, tan nee Alemanha atu lakon too 10 ka 0 mos nafatin sai adeptus Alemanha.

Enkuantu observasaun iha STL iha terenu nota katak, adeptus Portugal no Alemanha la halo pawai no iha balu mak mak halo pawai iha Dili laran.*

Reportajen: Maria Tavares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...