DILI-Ministra Solidaridade Sosial (MSS) Isabel Amaral Guterres afirma, MSS laos fo bolsa estudu , maibe fo ajuda ki’ik ida ba martires nia oan sira, no ajuda ne’e husi osan atus ida resin to’o atus ualu maximu ba tinan ida.
Ministra MSS Isabel hateten martires sira nia oan tenki iha dadus no rejistu katak sira nia aman ka inan veteranus nebe mate ona, sira mos tenki rejistu iha eskola ou universidade ruma iha Timor laran.
Ami laos fo bolsa, maibe fo ajuda ki’ik oan ida, e ajuda ne’e husi atus ida resin (sentu e tal) to’o (oitu sentus) atus ualu ne’e maximu ba tinan ida, mais se nia universidade, se nia iha eskola primaria entaun nia hetan oin seluk. Konaba dadus ema nain hira ne’e, hau ladun hatene, criteria mak ne’e, aman tenki martris duni, hateten Ministra Isabel ba STL iha Edifisiu MAP Comoro Dili, Sesta (11/10).
Deputada Ilda Maria husi bankada FRETILIN hanesan mos membru komisaun F nebe’e mak trata Asuntu Edukasaun, Saude, Veteranus, martires nia oan sira ne’e to’o agora nain hira mak MSS fo ajuda hodi ba kontinua sira nia eskola, nain hira mak iha rai liur no nain hira ona mak iha rai laran. Informasaun kompletu iha STL Jornal no STL Web, edisaun Sabado (12/10). Jacinta Sequera
