Mauk Moruk Hasoru Malu Ho PGR

Dili-Eis Komandante Baret Mean, Paulino Gama alias Mauk Moruk hasoru malu ho Prokurador Jeral Republika (PJR) Jose Ximenes. Hasoru malu ne’e hodi koalia konaba legalidade rezulusaun nebee Parlamentu Nasional (PN) hasai no legalidade ba organizasaun Konseilu Revolusionariu Maubere (CRM).

Inkontru urjenti entre eis Komandante Baret Mean Paulino Gama alias Mauk Moruk ho PJR Jose Ximenes nee halao tanba inisiativa rasik husik Mauk Moruk hodi hasoru malu ho Ministeriu Publiku.

Hafoin remata inkontru nebee halao durante oras ida ho balun, ba jornalista Mauk Moruk hatete objektivu hasoru malu ho Prokurador Jeral ne’e tanba Ministeriu Publiku mak kaer lei, no hakarak hatene operasaun nebee halao hela nee tuir lei ka lae.

Nia mos hatete tan katak isplikasaun nebee iha tanba CRM seidauk halo ninia rejistrasaun iha Tribunal no nunee mak sira konsidera ilegalidade, maibe nia hatete tan katak ema nebee agora dadaun iha organizasaun CRM nee iha mos advogadu 20 resin.

Iha fatin hanesan Prokurador Jeral Republika Jose Ximenes hatete inkontru nebee halao ho Mauk Moruk nee nudar pedidu nebee nia halo, nudar sidadaun ida hakarrak hatene konaba proseus Justisa. Iha inkontru nee mos hatete Jose Ximenes Mauk Moruk isplika konaba ninia situasaun nebee nia hasoru. Informasaun kompletu iha STL jornal no STL Web, edisaun (7/3/2014).  Armandina Moniz-Sonia Ferrira

LEAVE A REPLY

Please enter your comment!
Please enter your name here

NEWS UPDATE

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...

Konfinamentu Domisiliariu, Misa Kontinua Suspende

DILI, STLNEWS.co - Reuniaun Konsellu Ministru neebe mak foin lalais deside atu hanaruk konfinamentu domisiliariu, nunee husi Arquidiocese Metropolitana Dili Dom Virgilio Do Carmo...
%d bloggers like this: