ME Rekonese Estudante Rihun 80 Tu’ur Iha Rai

DILI-Ministru Edukasaun Bendito Freitas, rekonese katak estudante iha Timor laran hamutuk rihun 80 maka sei tur iha rai hodi tuir prosesu aprendizazem, maibee iha 2014 sira sei preve orsamentu atu responde ba problema hirak ne’e.

Ministru ME Bendito hateten problema nebee sira hasoru iha baze relasiona ho Prezidente Republika nia vizita, husi Ministeru Edukasaun mos halo vizita no peskiza konaba nesesidade materiais eskolares, liu-liu ba banku no meza.

Nebee ema sei iha rihun 80 resin, maka tur iha rai, tamba nee koalia ona uluk ho komite revizaun osamentu, PM mos toma nota ida nee, ami mos servisu hamutuk ho STATAL no autoridade lokal sira atu fo’o apoiu, hateten Ministru ME Bendito, ba STL iha PN, kinta (12/12/ 2013).

Nia hatutan iha 2014, iha osamentu ida aloka para bele responde laos deit ba karteiras ho meza, maibee konaba situasaun latrinas, saniamentu, nune’e mos sala nebee kondisaun la diak. Husi ME esforsu makas halo planeamentu mapa tomak, hodi hatene lolos eskola nebee ho kondisaun diak no seidauk diak.

Iha fatin hanesan Deputadu Bankada Fretilin Estanislau da Silva hateten konaba Prezidente Republika hare iha terenu katak estudante rihun 80 nebe e tur iha rai, nee laos novidades foun. Informasaun kompletu iha STL Jornal no STL Web, edisaun Sesta (13/13/2013). Joao Anibal/ Thomas Sanches

LEAVE A REPLY

Please enter your comment!
Please enter your name here