Membru 12 La Satisfas ho Demisaun, Komandu Fo Oportunidade Halo Rekursu

DILI- Membru Policia Nasional Timor Leste (PNTL) hamutuk sanolu resin rua (12) nebe’e hetan demisaun, karik sira la satisfas ho desizaun, Komandu Jeral PNTL fo nafatin oportunidade  durante loron sanolu resin lima (15), hodi halo sira nia rekursu.

Tuir  Diretor Departamentu Justisa PNTL, Superintendente Xefi, Carlos Jeronimo katak, bainhira membru PNTL 12 hetan demisaun ne’e la satisfas ho desizaun, komandu fo nafatin oportunidade ba sira halo rekursu hasoru desizaun ne’e.

Komandu jeral PNTL sei notifika ema sira ne’e, konaba desizaun nebe’e mak husi SES fo, ne’e fo mai laos siqnifika katak, atu remata ona, maibe fo tempu ba membru sira ne’e durante loron 15 para sira bele hare, no sira keta ladun satisfeitu ho desizaun ida ne’e, sira iha nafatin  oportunidade hodi halo rekursu durante loron 15, bainhira sira la halo rekursu, desizaun ne’e sira simu, hateten Carlos ba jornalista iha nia knar fatin Kuartel Jeral PNTL, Caicoli Dili, Tersa  (01/07).

Carlos hateten, sira mos iha direitu halo rekursu konsitioju, rekursu konsijioju ne’e ba iha nebe’e, sira bele hase iha Tribunal Distritu Dili, maibe nia prosesu sei liu husi Sekretariu Estadu.

Segundu Komandante Jeral PNTL Komisariu Afonso de Jesus hateten, demisaun ba membru sira ne’e liu husi enkontru superior nebe’e maka partisipa husi komandante distritu 13, hodi hare no diskuti hamutuk ba kestaun ne’e. Informasaun kompletu iha STL Jornal, edisaun Kuarta (2/7/2014). Jacinta Siquera

LEAVE A REPLY

Please enter your comment!
Please enter your name here

NEWS UPDATE

Numeru Covid Aumenta, Adriano: Fatin Ba Pasiente Grave La iha

DILI, STLNEWS.co - Deputadu Adriano do Nascimento hatete, kada loron numeru Covid-19 iha Timor Leste kontinua aumenta ba bebeik, maibe fasilidade liu liu ba...

MESSK Asina MoU Ho Ensinu Superior Publiku & Privadu

DILI, STLNEWS.co - Ministru Ensinu Superior Siensia no Kultura (MESSK), Longuinhos dos Santos, asina Memorandum of Understanding (MoU) ho ensinu superior publiku no privadu...
%d bloggers like this: