Membru PNTL Feto Nain 2 Simu Posse Husi Komando Jeral

Foto STL/Sonia Ferreira
POSSE-komadante jeral PNTL komisariu Longuinhos Monteiro,fo pose ba iha membrus PNTL feto nain 2 nebe’e remata ona sira nia formasaun iha rai liur,hanesan iha nasaun Filipinan ninian no nasaun Musanbique.membrus 2 ida ho naran Brigida G.Pereira,estudu kona ba pilotu ninian iha Filipina,no Inacia Sebastiana da C.Freitas,hasai formasaun iha lian portugues ninian,tomada de pose ne’e halao’o iha salaun kuartel jeral PNTL Caikoli Dili,Sesta (16/08).

DILI—Orgullhu bo’ot ba nasaun Timor Leste (TL), tanba Timor oan nain 5 maka ba hasai ona formasaun kona ba pilotu durante tinan 5 iha nasaun Filipina. Timor oan nain lima ne’e kompostu husi mane nain 4 no feto nain 1, feto ne’e membru Polisia Nasional Timor Leste (PNTL).

Ho previlejiu ne’e, komandu jeral PNTL komisariu Longuinhos Monteiro, Sesta (16/8) fo posse ba membru PNTL nain rua, Pilotu nain 1 no nain ida seluk formasaun iha lina portugues, durante tinan 8 nia laran. Pilotu ne’e tuir formasaun iha Filipinan durante tinan 5.

Institusaun PNTL kontenti tanba iha ona timor oan nain lima maka hasi ona eskola kona ba pilotu ninian, inklui membru polisia feto 1, ho posse nebe’e ohin fo ne’e, hau sei transfere fila fali membru polisia feto pilotu ne’e ba iha servisu parte governu ninian, hansesan transporte area AIRES iha Airo-Porto Dili, bainhira ita nia governu sira presija atu halo viagen ruma, dehan Longuinhos iha nia deskursu iha salaun PNTL kuartel jeral Caikoli Dili, Sesta (16/08).

Komisariu Long mos sublinha liu tan katak, tanba ne’e maka orgullhu mos ba Timor Leste, ba instutusaun PNTL, tanba bele iha ona pilotu feto nain 1, atu nune’e hodi bele ajuda instutusaun PNTL, karik aban bainrua iha Aviaun ruma lalika buka tan pilotu. Informasaun kompletu iha STL Jornal no STL Web, edisaun Sabado (17/8). Sonia Ferreira

LEAVE A REPLY

Please enter your comment!
Please enter your name here