Ministru Mocambique Hasoru Xanana, Hakarak Hametin Relasaun ho TL

DILI—Ministru Planifikasaun no Dezenvolvementu Mocambique, Aiuba Cuerencia, Kuarta (3/7), hasoru malu Primeiru Ministru, Kay Rala Xanana Gusmao hodi koalia kona ba koperasaun bilateral TL ho Mocabique, iha area dezenvolvementu.

Tuir, Ministru Planifikasaun no Dezenvolvementu Mocambique, Aiuba Cuerencia ba Jurnalista iha Palasiu Governu, hafoin remata inkontru ho PM Xanana, katak TL Mocanbique iha nia istoria rasik ho TL, ne’eduni, liu husi forum Macau, ne’ebe TL sai uma nain ba eventu ida ne’e atu bele hametin diak liu tan koperasaun ba iha futuru.

“Agora ba futuru Macambiqu kuntinua  iha relasaun metin diak liu tan, tanba ninia istoria luta hanesan mos TL. ami henin katak ho enkontru forum Macau ba dala IX ne’ebe TL mak sai uma nain,” nia hatete.

Iha enkontru PM Xanana ho delegasaun Ministru Mocabique nian, akompaina husi Vise Prezidente CCI-TL, Oscar Lima, iha Palasiu Governu, Dili.

Sekretariu Estadu Apoiu no Promosaun Seitor Privadu, Veneranda Lemos, liu husi Konferensia Imprensa hatete mos katak, iha reuniaun Forum Macau ne’ebe realize iha TL, rezultadu maka husi nasaun 8, hanesan Portugal, Xina, Brazil, Macao, Angola, Cavo Verde, Guine Bissau, Mocambique, inklui Timor Leste, asina ona MoU iha area lima maka, Turismu, Agrikultura, Saude, Comersiu Industria, no Seitor Privadu rasik. Informasaun kompletu iha STL Jornal no STL Web, edisaun Kinta (4/7). Oscar Salsinha

LEAVE A REPLY

Please enter your comment!
Please enter your name here